အာဏာသိမ်း စစ်ကောင်စီတပ်က နမ့်ဆန်မြို့နယ်၌ ယမန်နေ့ ညပိုင်းတွင် လေကြောင်းမှ အလေးချိန်ပေါင် ၅၀၀ရှိ ဗုံးများ အသုံးပြု၍ ဗုံးကြဲတိုက်ခိုက်မှု ပြုလုပ်ခဲ့ကြောင်း TNLA က ထုတ်ပြန်သည်။
.
အဆိုပါ အလေးချိန်ပေါင် ၅၀၀ ရှိ ဗုံးများကို စစ်ကောင်စီတပ်က တိုက်ပွဲဖြစ်ပွားရာ အနီးသို့ ၂ ကြိမ်၊ နမ့်ဆန်မြို့နယ် ရေပုံးကျေးရွာအနီးသို့ ၃ ကြိမ် စုစုပေါင်း ၅ ကြိမ် ဗုံးကြဲတိုက်ခိုက်ခဲ့ခြင်း ဖြစ်ကြောင်း သိရသည်။
.
တိုက်ခိုက်မှုများအတွင်း စစ်ကောင်စီတပ်က လေကြောင်း တိုက်ခိုက်မှု ၁၅ ကြိမ်ထက် မနည်း ပြုလုပ်ခဲ့ပြီး ရဟတ်ယာဉ်များ အသုံးပြုကာ စစ်အင်အားနှင့် လက်နက်ခဲယမ်း ဖြည့်တင်းမှုများလည်းရှိသည်ဟု သိရသည်။
.
စစ်ကောင်စီတပ်၏ ထိုးစစ်ကြောင့် ဒီဇင်ဘာ ၇ ရက်မှ စတင် ဖြစ်ပွားခဲ့သည့် တိုက်ပွဲများကြောင့် ကုန်းသာ၊ ဟူမန်း၊ မန်လုံးနှင့် တာလတ်ကျေးရွာမျမှ ဒေသခံပြည်သူ ၁၅၀၀ ဦးခန့် စစ်ဘေး ရှောင်နေကြရကြောင်း သိရသည်။
.
ထို့အပြင် စစ်ကောင်စီတပ်၏ ဗုံးကြဲ တိုက်ခိုက်မှုကြောင့် ဘာသာရေးအဆောက်အဦ အပါအဝင် ပြည်သူပိုင်နေအိမ်များ ပျက်စီးဆုံးရှုံးခဲ့ရကြောင်းလည်း သိရသည်။
