မိုးကုတ်တွင် ပြည်သူအချို့ကြောင့် တိုက်ခိုက်မည့်အစီအစဉ် ၅ ခုကို ဖျက်သိမ်းခဲ့ရကြောင်း Red Wolves Mogok အဖွဲ့ ထုတ်ပြန်

.

မန္တလေးတိုင်း၊ မိုးကုတ်မြို့တွင် ပြည်သူအချို့ကြောင့် တိုက်ခိုက်ရန် စီစဉ်ထားသည့် မစ်ရှင် ၅ ခုကို ဖျက်သိမ်းခဲ့ရ ကြောင်း Red Wolves Mogok အဖွဲ့က ယနေ့ ဒီဇင်ဘာလ ၈ ရက်တွင် ထုတ်ပြန်ထားသည်။

.

.

ပြည်သူများအနေဖြင့် အသွားအလာ ဆင်ခြင်ကြရန်၊ စစ်ကောင်စီတပ်သားများ၊ ရဲများနှင့် ဝေးရာတွင် နေကြရန် မကြာခဏ သတိပေးထားသော်လည်း လိုက်နာမှုမရှိသဖြင့် Red Wolves Mogok မှ ပြုလူပ်မည့် မစ်ရှင် ၅ ခုကို ဖျက်သိမ်းခဲ့ရခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။

.

ထို့ကြောင့် ပြည်သူများအနေဖြင့် ယခုအချိန်မှ စ၍ အသွားအလာ ဆင်ခြင်ပေးကြရန်၊ မလိုအပ်ဘဲ မြို့တွင်း၊ မြို့ပြင် သွားလာခြင်းမပြုရန်၊ စစ်ကောင်စီတပ်များ၊ ရဲများ၊ ၎င်းတို့နှင့် ပတ်သက်ဆက်နွယ်သော နေရာများကို လုံးဝ ရှောင်ကြဉ်ပေးကြရန်၊ စစ်ကောင်စီကို အကူအညီဖြစ်စေမည့် အရာမှန်သမျှကို ရှောင်ကြဉ်ကြရန်နှင့် ပြည်သူများ၏ ကားများးကို မြို့တွင်း/မြို့ပြင်၌ မှန်ချမောင်းနှင်ပေးကြရန် Red Wolves Mogok က သတိပေးထားသည်။

.

ယင်းကဲ့သို့ သတိပေးထာထားပြီး ဖြစ်သော်လည်း လိုက်နာခြင်းမရှိပါက ဖြစ်ပေါ်လာမည့် အကျိုးဆက်ကို တာဝန်ယူ ဖြေရှင်းမည်မဟုတ်ကြောင်း Red Wolves Mogok က ထုတ်ပြန်ထားသည်။

.