.
ကော့ကရိတ်ခရိုင်၊
ကျုံဒိး၊ ငါးတိုင်နှင့် လှိုင်ဝအကြားတွင် တပ်စွဲထားသော စစ်ကောင်စီတပ်များကို ယနေ့ ဒီဇင်ဘာလ
၁၆ ရက်၊ နံနက်ပိုင်းက KTL Army မှ စစ်ဗျူဟာမှူး ဗိုလ်အယ်ဆေးဝါးဦးဆောင်သော Lion Battalion
Commando - ဗျူဟာစစ်ကြောင်းနှင့် ပူးပေါင်းတပ်များမှ
တိုက်ခိုက်ခဲ့ရာ စစ်ကောင်စီဘက်မှ ဗိုလ်မှူးတစ်ဦး အပါအဝင် ၆ ဦးထက်မနည်း ကျဆုံးနိုင်ကြောင်း
Lion Battalion Commando က သတင်းထုတ်ပြန်ထားသည်။
.
ထိုတိုက်ပွဲအတွင်းအကြမ်းဖက်စစ်ကောင်စီဘက်မှ
ဗိုလ်မှူး ၁ ဦး၊ တပ်ရေးဗိုလ်ကြီး ၁ ဦး၊ တပ်သား ၃ ဦး နှင့် ရဲမေ ၁ ဦး ကျဆုံးခဲ့ပြီး ထို့ထက်ပို၍အထိအခိုက်အကျအဆုံးများနိုင်ကြောင်း
ထုတ်ပြန်ချက်တွင် ဖော်ပြထားသည်။
.
အဆိုပါ တိုက်ပွဲအတွင်း
စစ်ကောင်စီတပ်ဘက်မှ လက်နက် ၃ လက်ကို သိမ်းဆည်းရမိခဲ့ပြီး Lion Battalion
Commando- ဗျူဟာစစ်ကြောင်းနှင့်
အခြားပူးပေါင်းစစ်ကြောင်းများဘက်မှ ထိခိုက်ကျဆုံးမှုမရှိဘဲ အောင်မြင်စွာဆုတ်ခွါနိုင်ခဲ့ကြောင်း
သိရသည်။
.
တိုက်ပွဲသတင်းအချက်အလက်များအားအချိန်နှင့်တပြေးညီထုတ်ပြန်နိုင်ရန်ကြိုးစားလျက်ရှိပြီး
ပြည်သူများအနေဖြင့် တိုက်ပွဲမပြီးဆုံးခင်သတင်းပေါက်ကြားမှုများမဖြစ်ပေါ်စေရန်အတွက်
ပူးပေါင်းကူညီပေးပါရန်နှင့် ယခုအချိန်အခါသည် စစ်မှန်သောဖက်ဒရယ်ပြည်ထောင်စုပေါ်ပေါက်ရေးအတွက်ကြိုးစားတိုက်ပွဲဝင်နေသော
နိုင်ငံရေးအင်အားစုများ၊ လက်နက်ကိုင်အင်အားစုများအနေနှင့် စည်းလုံးညီညွတ်မှုကိုအခြေခံ၍
ပူးပေါင်းတိုက်ပွဲဝင်ရန် အကောင်းဆုံးအချိန်အခါ ဖြစ်ကြောင်း Lion Battalion
Commando - ဗျူဟာစစ်ကြောင်းက တိုက်တွန်းထားသည်။
.
