ကရင်နီ (ကယား)ပြည်နယ်၊ ဒီးမော့ဆိုမြို့နယ်၊ နန်းမယ်ခုံ၌ စစ်ရေး တင်းမာနေသဖြင့် အသွားအလာ သတိပြုရန် ပြည်သူများကို ကရင်နီအမျိုးသား ကာကွယ်ရေူတပ် (KNDF) က သတိပေးသည်။
.
စစ်ကောင်စီတပ်ဖွဲ့များနှင့် ကရင်နီပြည် ပူးပေါင်းတပ်ဖွဲ့များအကြား စစ်ရေး တင်းမာနေသည့် အခြေနေများကြောင့် ပြည်သူများ အနေဖြင့် စစ်ရေးအသိ၊ သတိရှိကြရန် နှင့် လုံခြုံစိတ်ချရသည့်အခြေအနေ မရှိသော အချိန်ကာလအတွင်း သတိလက်လွတ် အသွားလာ မပြုလုပ်ကြသေးရန် KNDF က အသိပေး မေတ္တာရပ်ခံထားခြင်း ဖြစ်သည်။
.
ပြီးခဲ့သည့် နိုဝင်ဘာလ ၂၃ ရက်တွင် ဒီးမော့ဆိုမြို့နယ်၊ သဲတောင်၌ တပ်စွဲထားသော စစ်ကောင်စီတပ်များ၏ နေရာ အနီးတဝိုက်တွင် ပြည်သူ့ကာကွယ်ရေးတပ်-ဒီးမော့ဆို၊ ဗျူဟာ (၃)နှင့် DMO အမှတ် (၁၁၀၆) တပ်ရင်းရှိ တပ်ဖွဲ့ဝင်များ ပါဝင်သည့် ပူပေါင်းတပ်နှင့် စစ်ကောင်စီတပ်တို့ တိုက်ပွဲဖြစ်ပွားခဲ့ရာ စစ်ကောင်စီဘက်မှ ၂ ဦးခန့် သေဆုံးခဲ့ကြောင်း သိရသည်။
