တောင်ကြီးမြို့၊ ထွန်းဆေးရုံအနောက်ဘက်ရှိ အမှိုက်ပုံးမှ အနံ့ဆိုးများ ထွက်ပေါ်နေ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

တောင်ကြီးမြို့၊ ထွန်းဆေးရုံအနောက်ဘက်ရှိ အမှိုက်ပုံးမှ အနံ့ဆိုးများ ထွက်ပေါ်နေ

.

တောင်ကြီးမြို့ရှိ ပြည်နယ်ကျန်းမာရေးဝန်ထမ်းအိမ်ရာ (အဆုတ်ဆေးရုံဝင်း) အရှေ့ဘက်၊ ထွန်းအထွေထွေရောဂါကု ဆေးရုံအနောက်ဘက် လမ်းကြားရှိ အမှိုက်ပုံးတွင် အမှိုက်လာရောက်သိမ်းဆည်းမှု အားနည်းနေသည့်အတွက် အနံ့ဆိုး များ ထွက်ပေါ်နေကြောင်း သိရသည်။

.

.

အဆိုပါ အမှိုက်ပုံးတွင် ထွန်းဆေးရုံသို့ လာရောက်သူအချို့နှင့် အနီးပတ်ဝန်းကျင်ရှိ လူနေအိမ်များ၊ ဝန်ထမ်းအိမ်ရာ တိုက်ခန်းတွဲများတွင် နေထိုင်သူများမှ အမှိုက်များ လာရောက်စွန့်ပစ်နေပြီး နေ့စဉ်လိုအမှိုက်များ ပြည့် နေသည့်အတွက် အနံ့ဆိုးများ ဖြစ်ပေါ်နေခြင်းဖြစ်ကြောင်း သိရသည်။

.

“အမှိုက်ပုံးမှာက အချိန်တိုင်းလိုလို ပြည့်နေတာပါ။ ဒီနေရာမှာ အမှိုက်လာပစ်တဲ့သူလည်း များတယ်။ အချိန်ပြည့် မသိမ်းနိုင်တော့ အမှိုက်တွေက စုပုံပြီး အနံ့ဆိုးတွေ ထွက်နေတာပါ” ဟု တောင်ကြီးဒေသခံတစ်ဦးကပြောသည်။

.

ယင်း အမှိုက်ပုံးအနီးတွင် စားသောက်ဆိုင်ငယ်များ ဖွင့်လှစ်ရောင်းချနေပြီး အမှိုက်ပုံးမှ ထွက်ပေါ်နေသည့် အနံ့ဆိုးများ ကြောင့် အစားအသောက် ဝယ်ယူစားသုံးသူများ၏ ကျန်းမာရေးဆိုင်ရာ ပြဿနာများ ဖြစ်လာနိုင်ကြောင်း ဒေသခံ များက ပြောဆိုကြသည်။

.

ထို့အပြင် အမှိုက်ပုံး အနီးတစ်ဝိုက်တွင် ထွန်းအထွေထွေရောဂါကုဆေးရုံ၊ ကျန်းမာရေးဦးစီးဌာန၊ ပြည်နယ်တီဘီ ရောဂါ တိုက်ဖျက်ရေးဌာန၊ ကံဦးပရိယတ္တိစာသင်တိုက်၊ အထက (၄) ကျောင်းတို့လည်း တည်ရှိနေသည့်အတွက် မလိုလား အပ်သည့် ကျန်းမာရေးဆိုင်ရာ နောက်ဆက်တွဲပြဿနာများ မဖြစ်ပေါ်စေရန်အတွက် အမှိုက်ပုံးကို ပုံမှန် လာရောက် သိမ်းဆည်းပေးရန် ဒေသခံများက လိုလားလျက်ရှိကြောင်း သိရသည်။

.

တောင်ကြီးမြို့ပေါ်ရပ်ကွက်များတွင် အမှိုက်နှင့် မိလ္လာသိမ်းဆည်း‌ရေး လုပ်ငန်း ဆောင်ရွက်ရန်အတွက် ပုဂ္ဂလိက ကုမ္ပဏီတစ်ခု ဖြစ်သော မွှေး တောင်ကြီး ကုမ္ပဏီက ၂၀၁၄ ခုနှစ်၊ အောက်တိုဘာလမှ စတင်၍ ဆောင်ရွက်နေခြင်း ဖြစ်ပြီး အမှိုက်သိမ်းယာဉ် ပုံမှန်မလာရောက်ခြင်း အပါအဝင် ကုမ္ပဏီ၏ အမှိုက်သိမ်းစနစ်နှင့် ပတ်သက်၍ ဒေသခံများအကြား ဝေဖန်မှုများလည်း ရှိနေသည်။

.

Journal Download

Photo of three cats