မြင်းခြံမြို့နယ်ရှိ စစ်ကောင်စီခန့် အုပ်ချုပ်ရေးမှူးနေအိမ်အား ရဲအသွင်ယူဝင်ရောက်ပြီး လက်နက်များ ဝင်ရောက် သိမ်းဆည်း - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

မြင်းခြံမြို့နယ်ရှိ စစ်ကောင်စီခန့် အုပ်ချုပ်ရေးမှူးနေအိမ်အား ရဲအသွင်ယူဝင်ရောက်ပြီး လက်နက်များ ဝင်ရောက် သိမ်းဆည်း

.

မြင်းခြံမြို့နယ်၊ ဗလုံကျေးရွာရှိ စစ်ကောင်စီခန့် အုပ်ချုပ်ရေးမှူး အမည်ခံ ပျူစောထီး ကျော်ဆွေ၏ နေအိမ်အား နိုဝင်ဘာလ ၃၀ ရက်က နွားထိုးကြီးဒေသကာကွယ်ရေးတပ်ဖွဲ့ (Natogyi Regional Decence Force-NRDF) မှ ရဲ အသွင်ယူ ဝင်ရောက်ပြီး လက်နက်များ သိမ်းဆည်းခဲ့ကြောင်း သိရသည်။

.

.

NRDF မှ ရဲတပ်ဖွဲ့အသွင်ယူ၍ ကျော်ဆွေထံမှ လက်နက်များ သိမ်းယူရာ အသာတကြည် ထုတ်ပေးခဲ့ပြီး MA-3 မောင်းပြန် ၁ လက်၊ ရိုင်ဖယ် ၃ လက်နှင့် ကျည်အချို့ကို သိမ်းဆည်းရမိခဲ့ကြောင်း Natogyi Regional Defence Force-NRDF က ယနေ့ ဒီဇင်ဘာလ ၈ ရက်တွင် ထုတ်ပြန်ထားသည်။

.

အဆိုပါ လက်နက်များ ပျောက်ဆုံးမှုနှင့် ပတ်သက်၍ စစ်ကောင်စီတပ်က အုပ်ချုပ်ရေးမှူး ကျော်ဆွေ ဆိုသူအား မြင်းခြံစစ်ကြောရေးသို့ ခေါ်ဆောင်စစ်ဆေးနေပြီး စစ်ကြောရေး၌ ရိုက်နှက်ခံနေရကာ အနည်းဆုံး ထောင်ဒဏ် နှစ် ၄၀ မှ နှစ် ၅၀ အထိ ကျခံရနိုင်ကြောင်း NRDF ၏ ထုတ်ပြန်ချက်တွင် ဖော်ပြထားသည်။

.

ထို့အပြင် ဗလုံကျေးရွာအတွက် အုပ်ချုပ်ရေးမှူးအသစ်ကိုလည်း ထပ်မံရွေးချယ်သွားရန် စီစဉ်နေကြောင်းလည်း သိရသည်။

.

Journal Download

Photo of three cats