တန့်ယန်းမြို့အဝင် မုခ်ဦးအကျော်၌ ဒီဇင်ဘာလ ၂၁ ရက် ညနေ ၄ နာရီခွဲခန့်တွင် အိမ်စီး မော်တော်ယာဉ် တစ်စီး တိမ်းမှောက်၍ အမျိုးသား တစ်ဦး သေဆုံးကာ ၁၀ နှစ်အရွယ် ကလေးငယ် အပါအဝင် ၅ ဦး ထိခိုက်ဒဏ်ရာ ရရှိခဲ့ကြောင်း သိရသည်။
.
မော်တော်ယာဉ်သည် တန့်ယန်း - ပန်ဆန်း ပြည်ထောင်စု ကားလမ်းမပေါ်၌ မောင်းနှင်နေစဉ် မုခ်ဦး အကျော်တွင် အရှိန် မထိန်းနိုင်ဘဲ တိမ်းမှောက်ခဲ့ခြင်း ဖြစ်သည်ဟု သိရသည်။
.
သေဆုံးသူ အမျိုးသားမှာ တန့်ယန်းဆေးရုံ၌ ဆေးကုသမှုခံယူနေစဉ် သေဆုံးခဲ့ခြင်းဖြစ်ပြီး ဒဏ်ရာရသူများမှာ ဆေးရုံတွင် ဆေးကုသမှု ခံယူနေလျက်ရှိကြောင်း သိရသည်။
