နွားထိုးကြီးမြို့နယ်တွင် အမျိုးသား ၆ ဦးကို ပျူစောထီးများက သတ်ဖြတ်

.

မန္တလေးတိုင်း၊ နွားထိုးကြီးမြို့နယ်၊ မင်းရွာကျေးရွာနေ NLD ပါတီဝင်များ အပါအဝင် အမျိုးသား ၆ ဦးကို မြင်းခြံ သီတာယုမွန် ဦးဆောင်သော ပျူစောထီးအဖွဲ့များက ယမန်နေ့ ဒီဇင်ဘာလ ၆ ရက်၊ ညပိုင်းတွင် သတ်ဖြတ်ခဲ့ကြောင်း မြင်းခြံနှင့် တောင်သာ လူထုလှုပ်ရှားမှုကော်မတီများက ထုတ်ပြန်ထားသည်။

.

.

သတ်ဖြတ်ခံရသူများမှာ မင်းရွာကျေးရွာနေ NLD ပါတီဝင်များဖြစ်သည့် ဦးကျော်ဆောင်၊ ဦးခင်မောင်စိန်၊ ကိုမင်းဇော်နှင့် ကိုဟန်တင်နှင့် NLD ပါတီဝင်မဟုတ်သူ ကိုစိုးပိုင်၊ ကိုအောင်ကိုမင်းတို့ဖြစ်ကြောင်း သိရသည်။

.

ယမန်နေ့ ဒီဇင်ဘာလ ၆ ရက်၊ ညပိုင်းက မင်းရွာအတွင်းသို့ စစ်ကောင်စီလက်သပ်မွေးထားသော မြင်းခြံ သီတာယုမွန် ပျူစောထီးများ ဝင်ရောက်လာပြီး စာရင်းပါသူ ၄ ဦးနှင့် ထွက်ကြည့်သူ ၂ ဦး၊ စုစုပေါင်း အမျိုးသား ၆ ဦးတို့ကို ဖမ်းဆီးကာ မင်းရွာနှင့် ကူကုန်းရွာအနီးတွင် သတ်ဖြတ်ပြီး ရုပ်အလောင်းများကို စွန့်ပစ်သွားခဲ့ခြင်းဖြစ်ကြောင်း သိရသည်။

.

ဒေသခံများ သတ်ဖြတ်ခံရသည့် အဆိုပါ မင်းရွာတွင် အင်အား ၃၀ ခန့်ရှိ စစ်ကောင်စီတပ်များ တပ်စွဲထားကြောင်း သိရသည်။

.