ရှမ်းတောင်ဒေသသို့ ဒီဇင်ဘာကျောင်းပိတ်ရက်အတွင်း ခရီးသွားဧည့်သည်ဝင်ရောက်မှု နည်းပါး - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ရှမ်းတောင်ဒေသသို့ ဒီဇင်ဘာကျောင်းပိတ်ရက်အတွင်း ခရီးသွားဧည့်သည်ဝင်ရောက်မှု နည်းပါး

.

ဒီဇင်ဘာကျောင်းပိတ်ရက် ကာလအတွင်း ရောက်ရှိနေသော်လည်း ရှမ်းပြည်နယ်တောင်ပိုင်း၏ အထင်ကရနေရာများသို့ခရီးသွားဧည့်သည် လာရောက်လည်ပတ်မှု မရှိသလောက် နည်းပါးနေကြောင်း သိရသည်။

.


 
.
စစ်ကောင်စီ အာဏာမသိမ်းမီက ယခုလို ဒီဇင်ဘာကျောင်းပိတ်ရက် ကာလများတွင် ရှမ်းပြည်နယ်တောင်ပိုင်း၏ အထင်ကရ နေရာများဖြစ်သည့် အင်းလေးဖောင်တော်ဦးဘုရား၊ ကက္ကူမွေတော်ဘုရား၊ ထမ့်စမ်းလိုဏ်ဂူ၊ ပင်းတယရွှေဥမင် လိုဏ်ဂူဘုရားနှင့် အခြား ထင်ခြားသည့် နေရာများသို့ ပြည်တွင်း/ပြည်ပ ခရီးသွားဧည့်သည် အများအပြား ဝင်ရောက်မှုရှိခဲ့ပြီး ယခုအခါ ခရီးသွားဧည့်သည်များ ဝင်ရောက်မှု နည်းပါးနေကြောင်း သိရသည်။
.
"အရင်က ဒီလိုကျောင်းပိတ်ရက် ကာလတွေဆိုရင် ဧည့်သည်တွေ တော်တော်များများလာကြတယ်။ ဧည့်သည် အဝင်များတော့ ခရီးသွားလုပ်ငန်းကနေ ဒေသခံတွေ အကျိုးဖြစ်ထွန်းတာတွေရှိခဲ့တာပေါ့။ စစ်တပ် အာဏာသိမ်းလိုက်တော့ဧည့်သည်က မလာသလောက်ကို ဖြစ်သွားတယ်။ အာဏာသိမ်းလိုက်တာ ဒေသခံတွေရဲ့ စီးပွားရေးတွေ အများကြီး ထိခိုက်ကုန်တယ်" ဟု တောင်ကြီးဒေသခံတစ်ဦးက ပြောသည်။
.
ရှမ်းပြည်နယ်တောင်ပိုင်းရှိ ကမ္ဘာကျော် အထင်ကရနေရာတစ်ခုဖြစ်သည့် အင်လေးကန်ဒေတွင်လည်း ခရီးသွားဧည့်သည် ဝင်ရောက်မှု နည်းပါးနေသည့်အတွက် စက်လှေပြေးဆွဲခြင်းဖြင့် အသက်မွေးဝမ်းကြောင်းပြု​နေသည့် ဒေသခံများလည်း အခက်အခဲ ဖြစ်ပေါ်နေကြောင်း သိရသည်။
.
"ဒီဇင်ဘာကျောင်းပိတ်ရက်မျိုးဆို အရင်က လာတဲ့ဧည့်သည်တွေ များတယ်။ အခုကတော့ လမ်းခရီးမှာ အစစ်အဆေးတွေများတော့ ဧည့်သည်က သိပ်မလာကြတော့ဘူး။ မိသားစု စားဝတ်နေရေးတွေ ခက်ခဲ​နေကြတာလည်း ပါတာပေါ့" ဟု အင်းလေးဒေသခံတစ်ဦးက ပြောသည်။
.
ရှမ်းပြည်နယ်တောင်ပိုင်း ဒေသသည် မြန်မာနိုင်ငံအတွင်း ထင်ရှားကျော်ကြားသည့် ခရီးသွားဒေသတစ်ခုဖြစ်ပြီး ယခုအခလာရောက်လည်ပတ်သည့် ဧည့်သည် နည်းပါးသွားသည့်အတွက် ခရီးသွားလုပ်ငန်းကို အမှီပြုထားသည့် လုပ်ငန်းများအားလုံး စီးပွားရေးရပ်တန့်သလောက် ဖြစ်ပေါ်နေကြောင်း သိရသည်။

.

Journal Download

Photo of three cats