ရှမ်းပြည်နယ်တရားလွှတ်တော် တရားသူကြီးချုပ်နှင့် ပြည်နယ်တရားသူကြီးတစ်ဦးတို့ကို စစ်ကောင်စီ ပြောင်းလဲခန့်အပ်

.

ရှမ်းပြည်နယ်တရားလွှတ်တော် တရားသူကြီးချုပ်နှင့် ပြည်နယ်တရားသူကြီးတစ်ဦးတို့ကို ပြောင်းလဲခန့်အပ်ကြောင်း စစ်ကောင်စီက ယမန်နေ့ ဒီဇင်ဘာလ ၅ ရက်တွင် ထုတ်ပြန်ကြေညာခဲ့သည်ဟု သိရသည်။

.

.

ရှမ်းပြည်နယ်တရားလွှတ်တော် တရားသူကြီးချုပ် ဦးကြွယ်ကြွယ်၏ နေရာတွင် ဦးသန်းဦးလွင်အား ခန့်အပ်ခဲ့ခြင်းဖြစ်ပြီး ပြည်နယ်တရားသူကြီးအဖြစ် ဒေါ်နန်းမေယဉ်အား ခန့်အပ်ကြောင်း စစ်ကောင်စီ၏ ထုတ်ပြန်ချက်တွင် ဖော်ပြထား သည်။

.

ရှမ်းပြည်နယ်တရားလွှတ်တော်တွင် ပြည်နယ်တရားသူကြီး ၂ ဦး ရှိရာ ဒေါ်နန်းမေယဉ်အား မည်သူ့နေရာတွင် အစားထိုးခန့်အပ်သည်ကိုမူ ရှင်းလင်းစွာ မသိရှိရသေးချေ။

.

လက်ရှိ ရှမ်းပြည်နယ်တရားသူကြီးချုပ် ဦးကြွယ်ကြွယ်သည် ၂၀၂၁ ခုနှစ်၊ ရှမ်းပြည်နယ်တရားလွှတ်တော် စတင်ဖွဲ့စည်း စဉ်ကတည်းက အရပ်သားအစိုးရလက်ထက် ၂ ဆက်တိုင် ပြည်နယ်တရားသူကြီးချုပ်အဖြစ် တာဝန်ထမ်းဆောင်ခဲ့သူ ဖြစ်ပြီး စစ်ကောင်စီအာဏာသိမ်းပြီးနောက်တွင်လည်း ပြည်နယ်တရားသူကြီးချုပ်အဖြစ် ဆက်လက်ခန့်ထားခံရသူ ဖြစ်သည်။

.