အောင်ပန်းတွင် တစ်ညအတွင်း ဆိုင်ကယ်မတော်တဆမှု ၃ ကြိမ် ဖြစ်ပွား

.

ကလောမြို့နယ်၊ အောင်ပန်းမြို့တွင် ယမန်နေ့ အောက်တိုဘာလ ၇ ရက်၊ တစ်ညအတွင်း ဆိုင်ကယ်မတော်တဆမှု ၃ ကြိမ် ဖြစ်ပွားခဲ့ကြောင်း သိရသည်။

.

.

‌အောင်ပန်းမြို့၊ အောင်ပန်း-ပင်းတယကားလမ်း၊ လှည်းရိုးရပ်ကွက်၊ ရွှေဘိုသူ စက်သုံးဆီအရောင်းဆိုင် အနီးတွင် ယမန်နေ့ ဒီဇင်ဘာလ ၇ ရက်၊ ည ၇ နာရီခွဲခန့်က ကားနှင့်ဆိုင်ကယ် တိုက်မှုဖြစ်ပွားခဲ့ရာ ဆိုင်ကယ်ပေါ်ပါ အမျိုးသား တစ်ဦး၊ အမျိုးသမီးတစ်ဦးနှင့် ကလေးငယ်တစ်ဦးတို့ ထိခိုက်ဒဏ်ရာရရှိခဲ့ပြီး နာရေးကူညီမှုအသင်း (အောင်ပန်း) မှ အောင်ပန်းဆေးရုံသို့ ပို့ဆောင်ပေးခဲ့ကြောင်း သိရသည်။

.

အဆိုပါ ယာဉ်တိုက်မှုမှ အရိုးကျိုးဒဏ်ရာ ရရှိသူ အမျိုးသားအား အောင်ပန်းဆေးရုံမှ ကလောဆေးရုံသို့ ဆက်လက် ပို့ဆောင်ပေးခဲ့ရကြောင်း သိရသည်။

.

အလားတူ ယင်းအချိန်တွင်ပင် အောင်ပန်း-ရေချိုသွားလမ်း၊ ရေချိုကျေးရွာအဝင် ရေတွင်းအနီးတွင် ဆိုင်ကယ် မတော်တဆမှု ဖြစ်ပွားခဲ့ပြီး ဒဏ်ရာရရှိသူ အောင်ပန်းမြို့၊ မြို့ဟောင်းရပ်ကွက်နေ ကိုမျိုးမင်းနှင့် ကိုသောကြာ တို့အား အောင်ပန်းဆေးရုံသို့ ပို့ဆောင်ပေးခဲ့ရကြောင်း သိရသည်။

.

ထို့အပြင် ယင်းနေ့ညပိုင်းက အောင်ပန်းမြို့၊ အင်းခေါင်းဆည်သွားလမ်း၌ ဆိုင်ကယ်ပေါ်မှ ပြုကျပြီး ထိခိုက်ဒဏ်ရာ ရရှိသူ အမျိုးသမီးတစ်ဦးအား တောင်ကြီးမြို့၊ စဝ်စံထွန်းဆေးရုံသို့ ပို့ဆောင်ပေးခဲ့ရကြောင်း သိရသည်။

.

[ Photo - နာရေးကူညီမှုအသင်း (အောင်ပန်း) ]

.