.
တောင်ကြီးမြို့ပေါ်
ရပ်ကွက်များတွင် ယခုရက်ပိုင်းအတွင်း မီးပျက်ချိန် ပိုများလာနေပြီး အချို့ရက်များတွင်
မီးလာချိန် ၂ နာရီခန့်သာ ရရှိသည့်အတွက် အားသွင်း၊ မီးတိုင်၊ မီးလုံးများ အားသွင်းချိန်မရအောင်
ဖြစ်နေကြောင်း ဒေသခံများထံက သိရသည်။
.
“မီးက နေ့တိုင်း ပျက်တဲ့အပြင်
ပျက်တဲ့အချိန်က ပိုများလာတယ်။ ညပိုင်းသုံးဖို့ အားသွင်းမီးလုံး၊ မီးတိုင်တွေ ဝယ်ထား
လည်း အဲဒီမီးကို အားသွင်းဖို့အချိန်မရတော့ဘူး။ တစ်ခါသုံးပစ္စည်းလို ဝယ်သုံးပြီး အားကုန်ရင်
လွှင့်ပစ်ရမလို ဖြစ်နေပြီ။ စစ်တပ် အာဏာသိမ်းလိုက်တာ အခု ဖယောင်းတိုင်ထွန်းရတဲ့ခေတ်ကို
ပြန်ရောက်သွားတယ်” ဟု တောင်ကြီးမြို့ပေါ် တွင် နေထိုင်သူတစ်ဦးက ပြောသည်။
.
တောင်ကြီးမြို့နယ်
လျှပ်စစ်ဓာတ်အားဖြန့်ဖြူးရေးလုပ်ငန်းမှ ၅ နာရီမီးလာ ၅ နာရီမီးပျက်စနစ်ဖြင့်
ဓာတ်အားဖြန့်ဖြူး နေသည်ဟု ထုတ်ပြန်ထားသော်လည်း မြို့ပေါ်ရပ်ကွက်များ၏ မီးလာချိန်မှာ
တစ်ရက်လျှင် ၂ နာရီခန့်သာရှိတော့ ကြောင်းသိရသည်။
.
“အခုရက်ပိုင်းအတွင်း
နေ့လယ်ပိုင်းဆို တစ်နေကုန် ပျက်တာများတယ်။ အားသွင်းမီးလုံးတောင် အားသွင်းချိန် မရတော့
လျှပ်စစ်မီးက ဘာမှသုံးစားမရတော့ဘူး။ မီးမရှိတော့ အကုန်လုံးကို အခက်အခဲတွေဖြစ်ကုန်တာပါ။
မီးလာပြီဆိုပြီး ထမင်းအိုးတည်လိုက်တယ်။ ခဏနေ ပြန်ပျက်သွားတယ်။ ထမင်းမဟုတ်၊ ဆန်ပြုတ်မဟုတ်နဲ့
စားမရဘဲ သွန်နေရတာ လည်း နေ့စဉ်လိုပါပဲ” ဟု အခြားဒေသခံတစ်ဦးကလည်း ပြောဆိုခဲ့သည်။
.
ယခုရက်ပိုင်း အတွင်းတောင်ကြီးမြို့ပေါ်တွင်
မီးလာသည့်အချိန် နည်းပါးနေသည့်အတွက် လာမည့် နွေရာသီကာလ တွင် ယခုထက်ပို၍ ခက်ခဲလာနိုင်ကြောင်း
ဒေသခံများက ပြောဆိုကြသည်။
.
