တောင်ကြီးမြို့နယ်အတွင်း ခိုးယူခံထားရသည့် ဆိုင်ကယ်များ အေးသာယာရဲစခန်းတွင် ဖမ်းမိထား

.

တောင်ကြီးမြို့နယ်အတွင်း နေရာအစုံမှ ခိုးယူခံထားရသည့် မော်တော်ဆိုင်ကယ် အများအပြား အေးသာယာနယ်မြေ ရဲစခန်းတွင် ဖမ်းဆီးရမိထားကြောင်း သိရသည်။

.

.

တောင်ကြီးမြို့ပေါ်နှင့် အနီးပတ်ဝန်းကျင်တွင် မော်တော်ဆိုင်ကယ် ခိုးယူခံရမှုများ နေ့စဉ်ဖြစ်ပွားနေပြီး ယခု အေးသာယာရဲစခန်းတွင် ဖမ်းဆီးရမိထားသည့် ဆိုင်ကယ်များတွင် တောင်ကြီးမြို့ပေါ်မှ ခိုးယူခံထားရသည့် ဆိုင်ကယ် များလည်း ပါဝင်ကြောင်း သိရသည်။

.

“ပြီးခဲ့တဲ့ရက်ပိုင်းက တောင်ကြီး အစိုးရဘဏ်နားမှာ အခိုးခံရတဲ့ သူငယ်ချင်းရဲ့ဆိုင်ကယ် အခုဖမ်းမိထားတဲ့အထဲမှာ ပါပါတယ်။ အုံနာဘုတ်နဲ့တိုက်ပြီး မှန်တယ်ဆိုရင် တောင်ကြီး တရားရုံးမှာ ပြန်ထုတ်ယူရမယ်လို့ သိရပါတယ်” ဟု ဆိုင်ကယ်ခိုးယူခံရသူနှင့် နီးစပ်သူတစ်ဦးက ပြောသည်။

.

အေးသာယာနယ်မြေရဲစခန်းတွင် ခိုးယူခံထားရသည့် ဆိုင်ကယ်အများအပြား ဖမ်းဆီးရမိထားပြီး ဆိုင်ကယ် ခိုးယူခံထားရသူများ အနေဖြင့် လိုင်စင်ဘီးဖြစ်ပါက အုံနာဘုတ်မိတ္တူ ယူဆောင်၍ လာရောက်ကြည့်ရှုစစ်ဆေး နိုင်ကြောင်း သိရသည်။

.

အဆိုပါ ခိုးယူခံထားရသည့် ဆိုင်ကယ်များနှင့်အတူ ခိုးယူသူများကိုလည်း ဖမ်းဆီးရမိထားကြောင်း သိရသည်။

.