ကမ္ဘောဒီးယားနိုင်ငံ၌ ပြုလုပ်ခဲ့သည့် ဖအကြိမ် (၄၀) နှင့် (၄၁) ကြိမ်မြောက် အာဆီယံ ထိပ်သီး အစည်းအဝေး၏ မြန်မာ့နိုင်ငံရေး အကျပ်အတည်း ဖြေရှင်းရေးနှင့် ပတ်သက်သော ဆုံးဖြတ်ချက်များကို ကြိုဆိုကြောင်း သျှမ်းပြည် ပြန်လည်ထူထောင်ရေးကောင်စီ (RCSS) က ယနေ့ နိုဝင်ဘာလ ၁၇ ရက်တွင် ထုတ်ပြန်သည်။
.
မြန်မာ့နိုင်ငံရေး အကျပ်အတည်း ဖြေရှင်းရာတွင် အာဆီယံ အနေဖြင့် ထည့်သွင်းစဉ်းစားပေးရန် တိုက်တွန်းချက်များကိုလည်း ထုတ်ပြန်ချက်တွင် ဖော်ပြထားသည်။
.
ယင်းတိုက်တွန်းချက်တွင် ၁၉၄၇ ပင်လုံစာချုပ်ကို အကောင်အထည်ဖော်နိုင်မှ နိုင်ငံရေး ပြဿနာများကို ဖြေရှင်းနိုင်မည်၊ ၂၀၂၀ ရွေးကောက်ပွဲ ပြဿနာကို ဦးတည်၍ ဖြေရှင်းခြင်းသည် အရင်းခံ နိုင်ငံရေး ပြဿနာအား ဖြေရှင်းခြင်း မဟုတ်သဖြင့် လက်ရှိနိုင်ငံရေး အကျပ်အတည်းများကို ဖြေရှင်းနိုင်မည် မဟုတ်ကြောင်း ဖော်ပြထားသည်။
.
အာဆီယံ အနေဖြင့် တွေ့ဆုံဆွေးနွေးမည်ဆိုလျှင် EAO၊ SAC၊ နိုင်ငံရေးပါတီများ၊ တတ်သိပညာရှင်များ၊ ဘာသာရေး ခေါင်းဆောင်များ အပါအဝင် Stakeholders များအားလုံးနှင့် တွေ့ဆုံဆွေးနွေး၍ ဝိုင်းဝန်းကြိုးပမ်း နည်းလမ်းရှာနိုင်မှသာ လက်ရှိနိုင်ငံရေးအကျပ်အတည်းကို ဖြေရှင်းနိုင်မည် ဖြစ်ကြောင်းနှင့် ဖက်ဒရယ် ဒီမိုကရေစီ ပြည်ထောင်စု တည်ဆောက်ရာတွင် NCA အသိသက်သေနိုင်ငံများ အဖွဲ့အစည်းများ အနေဖြင့် ပါဝင်ကူညီပံ့ပိုးရန် လိုအပ်ကြောင်းကိုလည်း တိုက်တွန်းထားသည်။
