စစ်ကောင်စီတပ်က KNU ကျောက်ကြီးမြို့နယ်အတွင်းရှိ ကျေးရွာများကို လက်နက်ကြီးများဖြင့် ပစ်ခတ်ပြီး နေအိမ်များကို မီးရှို့ဖျက်ဆီး - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

စစ်ကောင်စီတပ်က KNU ကျောက်ကြီးမြို့နယ်အတွင်းရှိ ကျေးရွာများကို လက်နက်ကြီးများဖြင့် ပစ်ခတ်ပြီး နေအိမ်များကို မီးရှို့ဖျက်ဆီး

.

ကရင်အမျိုးသားအစည်းအရုံး (KNU)၊ ကော်သူးလေအုပ်ချုပ်မှုနယ်မြေ၊ ညောင်လေးပင်ခရိုင်၊ ကျောက်ကြီးမြို့နယ် အတွင်း စစ်ကောင်စီတပ်နှင့် KNLAKNDO တပ်တို့ တိုက်ပွဲဖြစ်ပွားခဲ့ပြီးနောက် စစ်ကောင်စီတပ်က ကျေးရွာများ အတွင်းသို့ လက်နက်ကြီးများဖြင့် ပစ်ခတ်ပြီး နေအိမ်များကို မီးရှို့ဖျက်ဆီးခဲ့ကြောင်း KNU က ယနေ့ နိုဝင်ဘာလ ၃၀ ရက်တွင် သတင်းထုတ်ပြန်ထားသည်။

.

.

ညောင်လေးပင်ခရိုင်၊ ကျောက်ကြီးမြို့နယ်၊ ဘောကထာကျေးရွာအုပ်စု၊ ဘောကထာကျေးရွာတွင် နိုဝင်ဘာလ ၂၇ ရက်၊ နေ့လယ်ပိုင်းက စစ်ကောင်စီတပ်များနှင့် ကရင်အမျိုးသားလွတ်မြောက်ရေးတပ်မတော် (KNLA)၊ ကရင်အမျိုးသား ကာကယ်ရေးတပ် (KNDO) တို့ ထိတွေ့တိုက်ပွဲများဖြစ်ပွားခဲ့ခြင်းဖြစ်ကြောင်း သိရသည်။

.

အဆိုပါ ထိတွေ့တိုက်ပွဲဖြစ်ပွားပြီးနောက် စစ်ကောင်စီတပ်က ပြည်သူလူထုအား ပစ်မှတ်ထားပြီး ကျေးရွာများအတွင်း သို့ လက်နက်ကြီးများဖြင့် ပစ်ခတ်ခဲ့ရာ မဘီကြီးကျေးရွာရှိ လူနေအိမ် ၃ လုံး၊ စာသင်ကျောင်း ၁ ကျောင်းနှင့် ဆေးပေးခန်း ၁ ခုတို့ ထိခိုက်ပျက်စီးခဲ့ကြောင်း သိရသည်။

.

ထို့အပြင် နိုဝင်ဘာလ ၂၈ ရက်၊ နံနက်ပိုင်းတွင် စစ်ကောင်စီ၏ ခမရ (၂၀) တပ်သည် ကျောက်ကြီးမြို့နယ်၊ ပဒဲကော ကျေးရွာအုပ်စု၊ ပဒဲကောကျေးရွာမင်းလမ်းပိုင်းရှိ နေအိမ် ၁၇ လုံးကို မီးရှို့ဖျက်စီးခဲ့သည့်အပြင် ယမန်နေ့ နိုဝင်ဘာလ ၂၉ ရက်၊ နံနက်ပိုင်းတွင်လည်း ဘောကထာကျေးရွာရှိ နေအိမ် ၃ လုံးကို ထပ်မံမီးရှို့ဖျက်စီးခဲ့ကြောင်း KNU ၏ ထုတ်ပြန်ချက်တွင် ဖော်ပြထားသည်။

.

Journal Download

Photo of three cats