.
ကရင်အမျိုးသားအစည်းအရုံး
(KNU) တပ်မဟာ (၅) နယ်မြေ၊
မူတြော်ခရိုင်အတွင်းရှိ စစ်ကောင်စီ၏ ဖာပွန်ရဲစခန်း၊ လယ်တိုးရဲစခန်း နှင့် ကော်သွေးကျိုးရဲစခန်း
တို့အား ကရင်အမျိုးသားလွတ်မြောက်ရေးတပ်မတော် (KNLA) တပ်မဟာ (၅)
လက်အောက်ခံ တပ်ရင်းများမှ ဝင်ရောက်တိုက်ခိုက်ခဲ့ရာ အနည်းဆုံး စစ်ကောင်စီတပ်သား ၂
ဦး သေဆုံးခဲ့ပြီး ဒဏ်ရာ ရရှိသူများ ရှိကြောင်း KNU-Mutraw News က သတင်းထုတ်ပြန်ထားသည်။
.
မူတြော်ခရိုင်၊ ဘူးသိုမြို့နယ်ရှိ
စစ်ကောင်စီ၏ လယ်တိုးစခန်းကို KNLA တပ်မဟာ (၅) လက်အောက်ရှိ တပ်ရင်းသည် နိုဝင်ဘာလ ၁၉ ရက်၊ နေ့လယ် ၂ နာရီခွဲခန့်က
ဝင်ရောက်တိုက်ခိုက်ခဲ့ပြီး စစ်ကောင်စီဘက်မှ ထိခိုက်ကျဆုံးမှု အခြေ အနေကို မသိရသေးကြောင်း
ထုတ်ပြန်ချက်တွင် ဖော်ပြထားသည်။
.
အလားတူ မူတြော်ခရိုင်၊
လူသောမြို့နယ်အတွင်းရှိ စစ်ကောင်စီ၏ ကော်သွေးကျိုး စခန်းတောင်ခြေရေဆိပ်တွင် စက်တင်ဘာလ
၁၈ ရက်၊ နံနက်ပိုင်းက KNLA တပ်မဟာ (၅) မှ ဝင်ရောက်ပစ်ခတ်ခဲ့ရာ စစ်ကောင်စီတပ်ဘက်မှ တစ်ဦး သေဆုံးပြီး ထိခိုက်ဒဏ်ရာရရှိမှု
အတည်မပြုနိုင်သေးကြောင်း သိရသည်။
.
ထို့အပြင် လယ်တိုးရဲစခန်းအား
နိုဝင်ဘာလ ၁၆ ရက်၊ နေ့လယ် ၂ နာရီခွဲခန့်က KNLA တပ်မဟာ (၅) စစ်သည်များမှ ရှောင်တခင် ဝင်ရောက်တိုက်ခိုက်ခဲ့ရာ
စစ်ကောင်စီဘက်မှ တစ်ဦး ထိခိုက်ဒဏ်ရာရရှိခဲ့ကြောင်း သိရသည်။
.
ယင်းနေ့ ညနေ ၅ နာရီခန့်တွင်ပင်
ဖာပွန်မြို့ ရဲစခန်းအား ဝင်ရောက်တိုက်ခိုက်ခဲ့ရာ စစ်ကောင်စီတပ်သား တစ်ဦး သေဆုံးခဲ့ကြောင်း
မူတြော်သတင်းစဉ်တွင် ဖော်ပြထားသည်။
.
[ Photo – AFP ]
.
