မြေပြင်အခြေအနေအရ စစ်ရေးတင်းမာနေမှုကြောင့် လွိုင်ကော်-ရှားတော သွားလာရန် လမ်းမကြီး တစ်လျှောက်တွင် လုံးဝ သွားလာခြင်း မပြုရန် ကရင်နီ အမျိုးသားများ ကာကွယ်ရေးတပ် (KNDF) တပ်ရင်း (၁၄) က ယနေ့တွင် သတိပေးချက် ထုတ်ပြန်ထားသည်။
.
အဆိုပါ လွိုင်ကော်-ရှားတော လမ်းမကြီးကို ယနေ့ နိုဝင်ဘာလ ၂၄ ရက်မှ စ၍ သွားလာခြင်း မပြုရန် အသိပေးထားခြင်း ဖြစ်သည်။
.
လွိုင်ကော်မြို့နယ် အရှေ့ဘက်ခြမ်းနှင့် ရှားတောမြို့နယ်တို့၌ ယခုရက်ပိုင်းအတွင်း စစ်ကောင်စီတပ်စခန်းများနှင့် ကင်းပုန်းများကို ကရင်နီ ပူးပေါင်းတပ်များက ဝင်ရောက် တိုက်ခိုက်ခဲ့ပြီးနောက် စစ်ရေးတင်းမာနေခြင်း ဖြစ်ကြောင်း သိရသည်။
