.
ကရင်နီ (ကယား) ပြည်နယ်၊
လွိုင်ကော်မြို့နယ်၊ လောပိတမြို့၊ ဘီလူးချောင်းအနီးရှိ စစ်ကောင်စီ၏ ခြေကုပ်တပ်စခန်း
သို့ ရိက္ခာသယ်ပို့နေသည့် စစ်ကောင်စီတပ်ဖွဲ့ဝင်များအား ယမန်နေ့ နိုဝင်ဘာလ ၁၃ ရက်၊ ညနေပိုင်းက
ကရင်နီအမျိုး သားများကာကွယ်ရေးတပ်-KNDF
B (01) မှ ကြားဖြတ်တိုက်ခိုက်ခဲ့ကြောင်း သိရသည်။
.
လောပိတမြို့၊ ဘီလူးချောင်းအနီးရှိ
စစ်ကောင်စီ၏ လောထော်တောင်ပေါ်စခန်းသို့ ရိက္ခာပို့ရန် လက်နက်အပြည့်အစုံ၊ အရပ်ဝတ်ဖြင့်
ထွက်ခွာလာသည့် စစ်ကောင်စီတပ်ဖွဲ့ဝင် ၅ ဦးအား KNDF B (01) မှ ကြားဖြတ် ဝင်ရောက်တိုက်ခိုက် ခဲ့ခြင်းဖြစ်ပြီး ထိတွေ့တိုက်ပွဲ
၁၀ မိနစ်ခန့် ဖြစ်ပွားခဲ့ကြောင်း KNDF က သတင်းထုတ်ပြန်ထားသည်။
.
အဆိုပါ
ထိတွေ့တိုက်ခိုက်မှုအတွင်း စစ်ကောင်စီတပ်မှ ဗိုလ်ကြီးအဆင့်ရှိသူ ၁ ဦးအပါအဝင် ၃ ဦး
သေဆုံးခဲ့ပြီး ၎င်းတို့ ကိုင်ဆောင်သည့် MA-1 သေနတ် ၁ လက်၊ ကျည်ဘောက် ၄ ခု၊ ကျည်ဆန်အချို့နှင့် ဖုန်း ၁ လုံးတို့ကို
သိမ်းဆည်းရမိ ခဲ့ကြောင်း သိရသည်။
.
ထိတွေ့တိုက်ပွဲအတွင်း
လောပိတမြို့အခြေစိုက် စစ်ကောင်စီ၏တပ်များမှ လက်နက်ကြီးများ
ဆက်တိုက်ပစ်ကူပေးခဲ့ပြီး စစ်ကောင်စီတပ်ဖွဲ့ဝင် ၂ ဦးမှာ လွတ်မြောက်သွားကာ ကာကွယ်ရေးတပ်ဖွဲ့များ
အထိအခိုက်မရှိ ပြန်လည်ဆုတ်ခွာနိုင် ခဲ့ကြောင်း သိရသည်။
.
ကရင်နီပြည်နယ်အတွင်း
နိုဝင်ဘာလဆန်းပိုင်းမှ စတင်၍ ယနေ့အထိ ထိတွေ့တိုက်ပွဲငယ်များနှင့် အလစ်ငိုက်
တိုက်ခိုက်မှုများသာ အများစုဖြစ်ပွားခဲ့ပြီး လွိုင်ကော်၊ ဒီးမော့ဆို၊ ဖရူဆို၊ ဘောလခဲ၊
ရှားတော မြို့နယ်များအတွင်း တိုက်ပွဲ စုစုပေါင်း ၁၃ ကြိမ်နီးပါးဖြစ်ပွားခဲ့ကာ
စစ်ကောင်စီဖက်မှ ၉ ဦးထက်မနည်း သေဆုံးခဲ့ကြောင်း KNDF ၏ ထုတ်ပြန်ချက်တွင် ဖော်ပြထားသည်။
.
ကရင်နီပြည်နယ်အတွင်း
စစ်ကောင်စီ၏ မြို့နယ်အလိုက် အခြေစိုက်တပ်များမှာ နိုဝင်ဘာလဆန်းပိုင်းမှစ၍ လက်နက် ကိုင်
တပ်ဖွဲ့ချင်း ရင်ဆိုင်တိုက်ပွဲများကို မပြုလုပ်ရဲဘဲ စစ်ပွဲနှင့်
သက်ဆိုင်ခြင်းမရှိသော ပြည်သူလူထုများကိုသာ ရည် ရွယ်ချက်ရှိရှိ ပစ်မှတ်ထားကာ ကျေးရွာများအတွင်းသို့
နေ့စဉ် လက်နက်ကြီးများပစ်ခက်၍ သိက္ခာမဲ့စွာ စစ်ရာဇဝတ်မှု များကို ကျူးလွန်လျက်ရှိသည်ဟု
KNDF က ဆိုသည်။
