ကလောမြို့နယ်၊ အောင်ပန်းမြို့၊ ပြည်သာယာစျေးမှ လွယ်မယ်အတက်လမ်း လမ်းဘေး၌ ယမန်နေ့ နိုဝင်ဘာလ ၁ ရက်၊ ည ၇ နာရီခန့်က ပိုင်ရှင်မဲ့ ရုပ်အလောင်း တစ်ခု တွေ့ရှိခဲ့ကြောင်း သိရသည်။
.
ရုပ်အလောင်းအား အောင်ပန်းနာရေးကူညီမှုအသင်းက အောင်ပန်းဆေးရုံသို့ ပို့ဆောင်ပေးပြီးနောက် စစ်ဆေးစဉ် COVID-19 ပိုး ရှိကြောင်း တွေ့ရှိခဲ့သည်ဟု သိရသည်။
.
" သေဆုံးသူက ယောက်ျားလေးပါ။ စစ်လိုက်တော့ ကိုဗစ်ပိုး တွေ့တာနဲ့ ချက်ချင်း သင်္ဂြုဟ်လိုက်ရတယ်။ သေဆုံးသူ ဘယ်သူလဲဆိုတာ မသိရသေးဘူး။" ဟု သတင်းရင်းမြစ် တစ်ဦးက ပြောသည်။
.
အဆိုပါ သေဆုံးသူ၏ ရုပ်အလောင်းအား အောင်ပန်းနာရေးကူညီမှုအသင်းကပင် မင်းဂူသုသာန်သို့ ပို့ဆောင် သင်္ဂြိုဟ်ပေးခဲ့ကြောင်း သိရသည်။
