အာဏာသိမ်းစစ်ကောင်စီ၏ ဝန်ကြီး ဒေါ်သက်သက်ခိုင် ပါဝင်၍ မိန့်ခွန်းပြောဆိုသည့်
အခမ်းအနားသို့ ယနေ့ နိုဝင်ဘာလ ၂၅ ရက်တွင် အွန်လိုင်းမှ ဝင်ရောက်၍ စစ်အာဏာရှင် ဆန့်ကျင်ရေး
ဆန္ဒပြမှုများ ပြုလုပ်ခဲ့ကြောင်း သိရသည်။
.
စစ်ကောင်စီက ပြုလုပ်သည့် အမျိုးသမီးများအပေါ် အကြမ်းဖက်မှုပပျောက်ရေး
၁၆ ရက်တာလှုပ်ရှားမှု အထိမ်းအမှတ် အခမ်းအနားကို လူကိုယ်တိုင်နှင့် အွန်လိုင်းမှ တက်ရောက်ခြင်း
ပုံစံနှစ်မျိုးဖြင့် ပြုလုပ်ရာ စစ်အာဏာရှင် ဆန့်ကျင်ရေးအဖွဲ့ တစ်ခုက Zoom မှ ဝင်ရောက်ကာ
ဆန္ဒပြခဲ့ကြခြင်း ဖြစ်သည်။
.
“လုံးဝအုပ်ချုပ်ခွင့်မရစေရ”၊ “မုဒိမ်းစစ်တပ်အမြစ်ဖြတ်” စာသားများပါသည့် Zoom နောက်ခံပုံဖြင့်
ဆန္ဒပြခဲ့ခြင်း ဖြစ်ကာ စစ်ကောင်စီ၏ လူကယ်ပြန်ဌာနမှ ဝန်ထမ်းများ၏ အကူအညီဖြင့် Zoom Meeting
သို့ ဝင်ရောက်နိုင်ခြင်း ဖြစ်သည်ဟု သိရသည်။
.
မူလက စစ်အာဏာရှင်ဆန့်ကျင်ရေး ရုပ်သံဖွင့်၍ ဆန္ဒပြခြင်း၊
အသံဖြင့် ဆန္ဒပြခြင်းများ ပြုလုပ်ရန် ရည်ရွယ်ထားသော်လည်း Zoom Setting တွင် အဆိုပါ
လုပ်ဆောင်ချက်များကို ပိတ်ထားသည့့််အတွက် စစ်အာဏာရှင် ဆန့်ကျင်ရေး နောက်ခံပုံ ပြောင်းခြင်းဖြင့်သာ
ဆန္ဒထုတ်ဖော်နိုင်ခဲ့ခြင်း ဖြစ်ကြောင်း သိရသည်။
