စစ်ကိုင်းတိုင်း၊ ယင်းမာပင်နှင့် ဆားလင်းကြီးမြို့နယ်မှ ကျေးရွာပေါင်းစုံသပိတ်စစ်ကြောင်း သည် ယနေ့ နိုဝင်ဘာလ ၃၀ ရက်တွင် စစ်အာဏာရှင် ဆန့်ကျင်ရေး ၆၂၉ ရက်မြောက်နေ့အဖြစ် ချီတက် ဆန္ဒပြခဲ့ကြောင်း သိရသည်။
.
သပိတ်စစ်ကြောင်းသည် ဆားလင်းကြီးမြို့နယ်ရှိ ဈေးတစ်ခု၌ "လူထုတိုက်ပွဲ အရှိန်မြှင့်ကြ ဘုံရန်သူကို ချေမှုန်းကြ” စာတန်းပါ ဘန်နာကို ကိုင်ဆောင်ကာ စစ်အာဏာရှင် ဆန့်ကျင်ရေး ကြွေးကြော်သံများဖြင့် ဆန္ဒပြခဲ့ခြင်း ဖြစ်သည်။
.
စစ်ကိုင်းတိုင်း အတွင်း၌ စစ်ကောင်စီ၏ ထိုးစစ်ကြောင့် နယ်မြေမငြိမ်သက်မှု ဖြစ်ပေါ်နေသော်လည်း ဒေသခံပြည်သူများသည် စစ်အာဏာရှင် ဆန့်ကျင်ရေး ဆန္ဒပြမှုကို နေ့စဉ် ပြုလုပ်နေကြခြင်း ဖြစ်သည်။
