တောင်ကြီးမြို့မှ အသက် ၂၂ နှစ်အရွယ် လူငယ်တစ်ဦး ပျောက်ဆုံးနေ

.

တောင်ကြီးမြို့နေ ဉာဏ်ရည်မပြည့်သူ အသက် ၂၂ နှစ်အရွယ် လူငယ် မောင်ဥက္ကာဖြိုးသည် နိုဝင်ဘာလ ၈ ရက်မှ စတင်၍ နေအိမ်မှ ပျောက်ဆုံးနေပြီး ယနေ့ နိုဝင်ဘာလ ၁၂ ရက်အထိ အဆက်အသွယ် မရရှိသေးကြောင်း မိသားစုများ ထံက သိရသည်။

.

.

“ထွက်သွားတုန်းကတော့ Hoddie အနွေးထည်အင်္ကျီ၊ ညအိပ်ဝတ် ဘောင်းဘီအပြာကွက်နဲ့ Cross ညှပ်ဖိနပ် ဝတ်ထား ပါတယ်။ သာမန်မဟုတ်တဲ့ အူတူတူ အ တတ ကလေးမို့ စိတ်ပူနေရပါတယ်။ ဘယ်ဘက်လက်မှာ အမဲမှတ် ပါပါတယ်” ဟု မိသားစုနှင့် နီးစပ်သူတစ်ဦးက ပြောသည်။

.

အဆိုပါ လူငယ်သည် သူငယ်ချင်း အပေါင်းအသင်းလည်း မရှိဘဲ ယခင်က ယခုကဲ့သို့ တစ်ဦးတည်း အိမ်အပြင်သို့ ထွက် လေ့ရှိသူမဟုတ်ကြောင်း သိရသည်။

.

မောင်ဥက္ကာဖြိုးကို တွေ့ရှိသူများအနေဖြင့် ဖုန်း - ၀၉ ၆၉၅၂၀၃၄၇ နှင့် ၀၉ ၄၂၈၃၁၀၃၈၁ နံပါတ်များသို့ ဆက်သွယ် ပေးရန် မိသားစုဝင်များက မေတ္တာရပ်ခံထားသည်။

.