ဒဂုံဆိပ်ကမ်းမြို့နယ်ရှိ ကျောင်း ၂ ခုတွင် ကလေးငယ်များ အစာအဆိပ်သင့်မှု ဖြစ်ပွား

.

ရန်ကုန်တိုင်း၊ ဒဂုံဆိပ်ကမ်းမြို့နယ်ရှိ ကျောင်း ၂ ကျောင်းတွင် ယနေ့ နိုဝင်ဘာလ ၂ ရက်၊ နံနက်ပိုင်းက မွေးနေ့ပွဲ ကျင်းပရာမှ ကလေးငယ်များ အစာအဆိပ်သင့်မှု ဖြစ်ပွားခဲ့ကြောင်း သိရသည်။

.

.

လက်ရှိတွင် လူမှုကူညီရေးပရဟိတအသင်းများမှ အရေးပေါ် လူနာတင်ကားများဖြင့် ကလေးငယ်များကို ဆေးရုံ တင်ပို့ပေးလျက်ရှိပြီး အစာအဆိပ်သင့်မှုဖြစ်ပွားသည့် ကလေးငယ်အရေအတွက်ကို အတိအကျ မသိရသေးကြောင်း ကူညီကယ်ဆယ်ရေး ဆောင်ရွက်နေသည့် ပရဟိတအသင်းမှ တာဝန်ရှိသူက ပြောဆိုထားသည်။

.

အစာအဆိပ်သင့်မှုဖြစ်ပွားခဲ့သည့် ကျောင်းများမှာ ဒဂုံဆိပ်ကမ်းမြို့နယ်၊ ၆၇ ရပ်ကွက်ရှိ ရာဇဂြိုလ် ဘုန်းတော်ကြီးသင် ပညာရေးကျောင်းနှင့် အမက ၂၉ ကျောင်းများမှဖြစ်ကြောင်း သိရသည်။

.

အဆိုပါ ကလေးငယ်များကို စံပြဆေးရုံ၊ ရန်ကင်းကလေးဆေးရုံနှင့် မြောက်ဥက္ကလာပဆေးရုံများသို့ ပို့ဆောင်ပေးလျက် ရှိကြောင်း သိရသည်။

.