ကွတ်ခိုင်မြို့၊ ရပ်ကွက်(၇)၌ နိုဝင်ဘာလ ၂၇ ရက်၊ ည ၁၀ နာရီခန့်က မီးလောင်မှု ဖြစ်ပွားခဲ့ရာ မိန်းကလေးငယ်တစ်ဦး သေဆုံးခဲ့ကြောင်း သိရသည်။
.
သေဆုံးသူမှာ အသက် ၁၂ နှစ်အရွယ် မိန်းကလေးငယ် ဖြစ်ပြီး ဖယောင်းတိုင်ကို အိပ်ယာဘေး၌ ထွန်းပြီးနောက် စာကျက်နေစဉ် အိပ်ပျော်သွားရာမှာ မီးက ခြင်ထောင်ကို မီးစွဲ၍ မီးလောင်မှု ဖြစ်ပွားခဲ့ခြင်း ဖြစ်သည်ဟု သိရသည်။
.
မီးလောင်မှုကြောင့် မိန်းကလေးငယ် သေဆုံးခဲ့ရသည့် အပြင် နေအိမ်လည်း မီးလောင် ဆုံးရှုံးခဲ့ကြောင်းနှင့် ကျန် မိသားစုဝင်များမှာ ထိခိုက်မှု တစ်စုံတရာ မရှိခဲ့ကြောင်းလည်း သိရသည်။
.
အဆိုပါ သေဆုံးသူ ရုပ်အလောင်းကို ဗြဟ္မစိုရ်နှလုံးသားလူမှုကူညီရေးအသင်း က ကွတ်ခိုင်ဆေးရုံသို့ ကူညီ သယ်ဆောင်ပေးခဲ့ကြောင်း သိရသည်။
