ကျိုင်းတုံ - တာချီလိတ် လမ်းဘေးရှိ နမ့်လင်းချောင်း အတွင်းသို့ ယနေ့ နိုဝင်ဘာလ ၂၈ ရက်၊ နေ့လယ် ၂ နာရီခန့်က မော်တော်ယာဉ် တစ်စီး ထိုးကျခဲ့ကြောင်း သိရသည်။
.
အဆိုပါ မော်တော်ယာဉ်သည် တာချီလိတ်မြို့မှ မိုင်းဖြတ်သို့ မောင်းနှင်လာစဉ် တာလေမြို့၊ နားယောင်းအုပ်စု၊ ကျတားကျေးရွာ အနီးတွင် အရှိန် မထိန်းနိုင်ဘဲ နမ့်လင်းချောင်းဘက်သို့ ထိုးကျသွားခြင်း ဖြစ်ကြောင်း သိရသည်။
.
ယင်းကဲ့သို့ မော်တော်ယာဉ် အရှိန် မထိန်းနိုင်ဘဲ ချောင်းဘက်သို့ ထိုးကျသွားမှုကြောင့် ယာဉ်မောင်း အမျိုးသားနှင့် ယာဉ်ပေါ်တွင် လိုက်ပါစီးနင်းလာသူ အမျိုးသမီးတို့ ထိခိုက်ဒဏ်ရာများ ရရှိခဲ့သဖြင့် တာလေမြို့ လောကပါလ ပရဟိတ လူမှုကူညီရေးအသင်း က တာလေဆေးရုံသို့ ကူညီပို့ဆောင်ပေးခဲ့ကြောင်း သိရသည်။
