ရှိမ်းမကားရဲစခန်းကို လက်နက်ကြီးဖြင့် ပစ်ခတ် တိုက်ခိုက်

စစ်ကိုင်းတိုင်း၊ ၀က်လက်မြို့နယ်ရှိ ရှိမ်းမကားရဲစခန်းကို ယမန်နေ့ နိုဝင်ဘာလ ၁၁ ရက်၊ ညနေပိုင်းတွင် တာဝေးပစ် လက်နက်ကြီးဖြင့် နှစ်ကြိမ် ပစ်ခတ်တိုက်ခိုက်ခဲ့ကြောင်း လျှပ်စီးပြောက်ကျားအဖွဲ့ က ထုတ်ပြန်သည်။

.

စစ်အုပ်စုဘက်က လက်နက်ကြီး/လက်နက်ငယ်များဖြင့် ပြန်လည် ပစ်ခတ်ခဲ့သော်လည်း အထိအခိုက် မရှိဘဲ ဆုတ်ခွာနိုင်ခဲ့သည်ဟု ဆိုသည်။

.

ထို့အတူ Bo Tiger-ဗိုလ်ကျားကြီးအဖွဲ့ကလည်း နိုဝင်ဘာလ ၁၁ ရက်၊ ည ၈ နာရီကျော်ခန့်တွင် ရှိမ်းမကားရဲစခန်းကို လက်နက်ကြီးများဖြင့် ၁၅ ကြိမ်ခန့် ပစ်ခတ် တိုက်ခိုက်ခဲ့ကြောင်း ထုတ်ပြန်ထားသည်။