.
ချင်းပြည်နယ်၊ မင်းတပ်မြို့နယ်၊
ပလုံတွီကျေးရွာတွင် စစ်ကောင်စီတပ်များက ဒေသခံ ၄၀ ဦးကို ဓါးစားခံအဖြစ် ဖမ်းဆီး သွားပြီး
ပြည်သူအချို့ မီးရှို့သတ်ဖြတ်ခံခဲ့ရကြောင်း CDF-Mindat က ယနေ့ နိုဝင်ဘာလ ၁၁ ရက်တွင် ထုတ်ပြန်ထား သည်။
.
PDF ဝတ်စုံများ
ဝတ်ဆင်ထားသော စစ်ကောင်စီတပ်သား ၅ ဦးသည် နိုဝင်ဘာလ ၇ ရက်၊ နံနက် ၁၀ နာရီခွဲခန့်က ပလုံတွီကျေးရွာသို့
ဝင်ရောက်လာခဲ့ပြီးနောက် အင်အား ၁၂၀ ခန့် ပါဝင်သော စစ်ကောင်စီစစ်ကြောင်း ရွာကို ဝင်စီးပြီး
ဒေသခံ ၄၀ ဦးကို ဖမ်းဆီးခဲ့ခြင်းဖြစ်ကြောင်း သိရသည်။
.
ယင်းနေ့ မွန်းလွဲ
၁၂ နာရီခွဲခန့်တွင် အဆိုပါစစ်ကြောင်းကို CDF-Mindat မှ အနီးကပ် ၂ ကြိမ်တိုက်ခိုက်ခဲ့ရာ စစ်ကောင်စီ တပ်သား ၂ ဦးသေဆုံးသွားခဲ့ပြီး ဓါးစာခံပြည်သူများရှိနေသည့်အတွက်
စစ်ဆင်ရေးပြုလုပ်ရန် ခက်ခဲခဲ့ကြောင်း CDF-Mindat က ထုတ်ပြန်ထားသည်။
.
ထို့နောက် နိုဝင်ဘာလ
၈ ရက်နေ့တွင် ဓါးစာခံများအနက်မှ အမျိုးသား ၇ ဦးကို လက်ပြန်ကြိုးတုပ်၍ အခြားတစ်နေရာ
သို့ ခေါ်ဆောင်သွားခဲ့ပြီး ၎င်း ၇ ဦးအနက် ၆ ဦးမှာ ယခုအချိန်အထိ အဆက်အသွယ်မရသေးသောကြောင့်
မီးရှိ့အသတ် ခံရသူများထဲတွင် ၎င်းတို့ပါဝင်နိုင်ပြီး ယခင်က ဖမ်းဆီးခံရသူ ၂ ဦး အပါအဝင်
ပျောက်ဆုံးသူ ၉ ဦး အထိရှိနေကြောင်း သိရသည်။
.
စစ်ကောင်စီတပ်များ
ပြန်လည်ဆုတ်ခွာသွားပြီးနောက် CDF-Mindat
မှ နယ်မြေရှင်းလင်းမှု ပြုလုပ်ခဲ့ရာ စစ်ကောင်စီ တပ်၏ လူမဆန်စွာ မီးရှို့သတ်ဖြတ်ခဲ့သော
အလောင်း မီးရှို့ရာနေရာအား တွေ့ရှိရပြီး အလောင်းများအား မီးရှို့ပြီး နောက် ကျန်အရိုးစုများကိုလည်း
ကြေမွအောင် ထုချေခဲ့သဖြင့် မိသားစုများ အသုဘခံရန်ပင် ဖြစ်နိုင်တော့ကြောင်း သိရသည်။
.
စစ်ကောင်စီတပ် စစ်ကြောင်းသည်
နိုဝင်ဘာလ ၁၀ ရက်၊ နံနက်ပိုင်းတွင် တပ်ဆုတ်သွားခဲ့ပြီး အဖမ်းအဆီးခံ
အမျိုးသားတစ်ဦးအားခေါ်ဆောင်သွားကာ ညနေ ၃ နာရီ ၁၅ မိနစ်တွင် ထီးလင်းမြို့ထဲသို့ ပြန်လည်ဝင်ရောက်
သွားခဲ့ကြောင်း သိရသည်။
.
CDF-Mindat အနေဖြင့်
အဆက်အသွယ် မရရှိသေးသော သူများအား တောနင်းရှာဖွေမှုများ ဆောင်ရွက်လျက်ရှိပြီး
ဓားစားခံ စစ်ဘေးရှောင်များနှင့် ရွာခံအများစုအား
လုံခြုံရာသို့ရွှေ့ပြောင်းပေးခဲ့ပြီးဖြစ်ကြောင်း CDF-Mindat က
ဆိုသည်။
.
ယနေ့ နိုဝင်ဘာလ ၁၁
ရက်တွင် ထီးလင်းမြို့ရှိ စစ်ကောင်စီတပ်များမှ အထုပ်အပိုးများ ပြင်ဆင်နေသဖြင့် ထီးလင်းနှင့်
မင်းတပ်နယ်များတွင် သွားလာခြင်းမပြုရန် CDF-Mindat မှ အသိပေးထားသည်။
.
