.
ဧရာဝတီတိုင်း၊ ဖျာပုံမြို့နယ်တွင်
ယမန်နေ့ အောက်တိုဘာလ ၃၁ ရက်က အနုကြမ်းစီးသူကို အိမ်ရှင်သားအမိက ပြန်လည်ခုခံ ဖမ်းဆီးမှု
ဖြစ်ပွားခဲ့ကြောင်း သိရသည်။
.
ဖျာပုံမြို့၊ အမှတ်
(၃) ရပ်ကွက်ရှိ သားအမိ ၂ ဦး နေထိုင်သည့် နေအိမ်ကို အောက်တိုဘာလ ၃၁ ရက်၊ နံနက်ပိုင်းက
လူတစ်ဦးမှ ဝင်ရောက်အနုကြမ်းစီးရာ အိမ်ရှင်အမျိုးသမီးနှင့် သားဖြစ်သူတို့က ပြန်လည်ခုခံပြီး
ရပ်ကွက်ကို အော်ဟစ် အကူအညီ တောင်းခံခဲ့သည့်အတွက် အနီးပတ်ဝန်းကျင်နေထိုင်သူများက ဝိုင်းဝန်းဖမ်းဆီးခဲ့ခြင်းဖြစ်ကြောင်း
သိရသည်။
.
အဆိုပါအနုကြမ်းစီးသူကို
ရဲလက် အပ်နှံခဲ့ပြီး ပြန်လည်ခုခံခဲ့သည့် သားအမိ ၂ ဦးတွင် ဒဏ်ရာအနည်းငယ် ရရှိခဲ့သည့်
အတွက် ဖျာပုံဆေးရုံသို့ ပို့ဆောင်ပေးခဲ့ရကြောင်း သိရသည်။
.
