မြိတ်မြို့နယ်ရှိ ငါးအမှုန့်ကြိတ်စက်ရုံတစ်ခုတွင် ငါးကန်အတွင်းပြုတ်ကျရာမှ အမျိုးသား ၃ ဦး သေဆုံး

.

တနင်္သာရီတိုင်း၊ မြိတ်မြို့နယ်၊ မြိတ်တောင်ကျေးရွာအုပ်စုရှိ ငါးအမှုန့်ကြိတ်စက်ရုံတစ်ခုတွင် ယမန်နေ့ နိုဝင်ဘာလ ၁၃ ရက်၊ ညပိုင်းက အမျိုးသား ၆ ဦး ငါးကန်အတွင်း ပြုတ်ကျရာမှ ၃ ဦး သေဆုံးခဲ့ကြောင်း သိရသည်။

.

.

မြိတ်မြို့နယ်၊ မြိတ်တောင်ကျေးရွာအုပ်စု၊ အင်းလေးမြိုင်စက်မှုဇုန်ရှိ ငါးအမှုန့်ကြိတ်စက်ရုံတွင် ယမန်နေ့ နိုဝင်ဘာလ ၁၃ ရက်၊ ည ၈ နာရီခန့်က ငါးကန်အတွင်း မော်တာချိန်းကြိုးပြုတ်ထွက်သွားသဖြင့် ပြန်လည်ဆယ်ယူရန် ကန်အတွင်းဆင်းရာမှ အောက်စီဂျင်ပြတ်လပ်၍ အမျိုးသား ၆ ဦး ကန်အတွင်း ပြုတ်ကျမှုဖြစ်ပွားခဲ့ကြောင်း သိရသည်။

.

အဆိုပါ ပြုတ်ကျသွားသူများအား မီးသတ်တပ်ဖွဲ့ဝင်များ၊ လူမှုရေးအသင်းအဖွဲ့များမှ ကယ်ဆယ်ရေးလုပ်ငန်းများ ဆောင်ရွက်ခဲ့ရာ ပြုတ်ကျသွားသူ ၆ ဦးအနက် ၃ ဦးအား အသက်ရှင်လျက် ကယ်ဆယ်နိုင်ခဲ့ပြီး ၃ ဦး သေဆုံးခဲ့ခြင်း ဖြစ်ကြောင်း သိရသည်။

.

သေဆုံး၊ ဒဏ်ရာရရှိသူများအား လူမှုရေးအသင်းအဖွဲ့များမှ လူနာတင်ယာဉ်များဖြင့် မြိတ်ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း မီးသတ်ဦးစီးဌာနက သတင်းထုတ်ပြန်ထားသည်။

.

[ Photo – MFSD ]

.