ညောင်ရွှေအကျဉ်းထောင် (တောင်လေးလုံးထောင်) ၌ ထောင်ဒဏ် ၂ နှစ်စီ ချမှတ်ခံရသူများ ဖြစ်သည့် နိုင်ငံရေး အကျဉ်းသားဟောင်း ကိုမြင့်ဌေး (ခ) ကိုဘယ်ကျော် နှင့် ပြည်သူ့ပါတီမှ ကိုဝင်းကို တို့ ပြီးခဲ့သည့် နိုဝင်ဘာလ ၁ ရက်တွင် ပြန်လည် လွတ်မြောက်လာပြီ ဖြစ်ကြောင်း သိရသည်။
.
၎င်းတို့ ၂ ဦးကို ၈၈ မျိုးဆက် ကျောင်းသားဟောင်းလည်း ဖြစ်၊ NLD တောင်ကြီးခရိုင်အတွင်းရေးမှူးဟောင်းလည်း ဖြစ်သူ ဦးညီညီရွှေ နှင့်အတူ ၂၀၂၁ ခုနှစ်၊ ဒီဇင်ဘာလ ၁၆ ရက်တွင် စစ်ကောင်စီ ထောင်တွင်းတရားရုံးက ထောင်ဒဏ် ၂ နှစ်စီ ချမှတ်ခဲ့ခြင်း ဖြစ်ပြီး လွတ်ရက်စေ့ဖြင့် ပြန်လည်လွတ်မြောက်လာခြင်း ဖြစ်သည်။
.
ကိုညီညီရွှေသည်လည်း ယခု ရက်ပိုင်းအတွင်း ပြန်လည် လွတ်မြောက်မည် ဖြစ်ကြောင်း သိရသည်။
.
ကိုမြင့်ဌေး (ခ) ကိုဘယ်ကျော် သည် ၂၀၂၁ ခုနှစ်၊ ဖေဖော်ဝါရီလ ၉ ရက်တွင် လည်းကောင်း၊ ကိုဝင်းကို သည် ၂၀၂၁ ခုနှစ်၊ ဖေဖော်ဝါရီလ ၁၀ ရက်တွင် လည်းကောင်း၊ ကိုညီညီရွှေသည် ဖေဖော်ဝါရီလ ၂၀ ရက်တွင် လည်းကောင်း စစ်ကောင်စီ၏ ဖမ်းဆီးခြင်းကို ခံခဲ့ရခြင်း ဖြစ်သည်။
