ကရင်နီ (ကယား)ပြည်နယ်၊ လွိုင်ကော်မြို့နယ်၊ ကုန်းဆွတ်ရွာသို့ နိုဝင်ဘာလ ၁၃ ရက်၊ နံနက် ၈ နာရီကျော်တွင် စစ်ကောင်စီတပ်က လက်နက်ကြီးဖြင့် အကြောင်းမဲ့ ပစ်ခတ်ခဲ့ခြင်းကြောင့် ကျေးရွာဘုန်းကြီးကျောင်း အပါအဝင် လူနေအိမ် အချို့ပျက်ဆီးခဲ့ရပြီး အမျိုးသမီး ၂ ဦး ထိခိုက်ဒဏ်ရာ ရရှိခဲ့ကြောင်း သိရသည်။
.
ဒေသခံ ပြည်သူများ စစ်ဘေးရှောင် ခိုလုံနေသည့် ဘုန်းကြီးကျောင်းကို စစ်ကောင်စီတပ်က လက်နက်ကြီးဖြင့် ၂ ချက် ပစ်ခတ်ခဲ့ခြင်း ဖြစ်ပြီး ဒေသခံ အမျိုးသမီး ပြည်သူ ၂ ဦး ဒဏ်ရာ ရရှိခဲ့သည့်အပြင် ဘုန်းကြီးကျောင်းနှင့် အနီးဝန်းကျင်ရှိ နေအိမ်အချို့ ပျက်ဆီးခဲ့ရခြင်း ဖြစ်သည်။
.
ထို့အတူ ဘုန်းကြီးကျောင်းဝန်းအတွင်း ရပ်ထားသည့် ကားနှင့် ထော်လာဂျီများလည်း လက်နက်ကြီးကျည် ထိမှန် ပျက်ဆီးခဲ့ကြောင်း သိရသည်။
.
စစ်ကောင်စီတပ်သည့် ပြီးခဲ့သည့် နိုဝင်ဘာလ ၄ ရက်ကလည်း ကုန်းဆွတ်ရွာကို လက်နက်ကြီးဖြင့် ပစ်ခတ်ခဲ့ခြင်းကြောင့် လူနေအိမ်အချို့ မီးလောင် ပျက်ဆီးခဲ့ပြီး ဒေသခံပြည်သူ ၄ ဦး ထိခိုက် ဒဏ်ရာရရှိခဲ့ကြောင်း သိရသည်။
