.
ကမ္ဘောဒီးယားနိုင်ငံတွင်
ကျင်းပပြုလုပ်နေသည့် အာဆီယံကာကွယ်ရေးဝန်ကြီးများ အစည်းအဝေးသို့ မြန်မာ
စစ်ကောင်စီခန့် ကာကွယ်ရေးဝန်ကြီ;ကို ဖိတ်ကြားမည့်စာရင်းက ပယ်ဖျက်လိုက်ကြောင်း Foreign
Policy သတင်းက ဖော်ပြထားသည်။
.
မြန်မာစစ်အာဏာရှင်များကို
အာဆီယံ၏ အရေးကြီးအခမ်းအနားများတွင် မဖိတ်ကြားရန် အာဆီယံအလှည့်ကျ ဥက္ကဋ္ဌ
အင်ဒိုနီးရှားနိုင်ငံ သမ္မတ ဂျိုကိုဒိုဒိုက တိုက်တွန်းခဲ့ပြီးနောက် ကမ္ဘောဒီးယားက ယခုကဲ့သို့
ဆုံးဖြတ်ချက် ချမှတ်ခဲ့ခြင်း ဖြစ်သည်။
.
ယင်းကဲ့သို့
မြန်မာစစ်ကောင်စီခန့် ကာကွယ်ရေးဝန်ကြီး ဗိုလ်ချုပ်မြတ်ထွန်းဦးကို အစည်းအဝေးသို့
မဖိတ်ကြားသည့် အတွက် အမေရိကန် ကာကွယ်ရေးဝန်ကြီး လွိုဒ်အော်စတင်က
စိတ်မချမ်းမြေ့စရာအဖြစ်မှ လွတ်မြောက်ခဲ့ရသည် ပြောဆိုခဲ့ကြောင်း အမေရိကန်အခြေစိုက် Foreign
Policy သတင်းတွင် ဖော်ပြထားသည်။
.
အမေရိကန်
အကြီးတန်း ကာကွယ်ရေးအရာရှိတစ်ဦးကလည်း မြန်မာစစ်တပ်အနေဖြင့် ဒေသတွင်း
အခြားနိုင်ငံများကို ကတိပေးထားသည့်အတိုင်း အကြမ်းဖက်မှုများကို
ငြိမ်းချမ်းစွာဖြေရှင်းမှု မရှိမချင်း ယခုကဲ့သို့ ဝန်ကြီးအဆင့် အစည်း အဝေးများတွင်
တက်ရောက်ခွင့်ရှိမည်မဟုတ်ကြောင်း ပြောဆိုခဲ့သည်။
.
မြန်မာနိုင်ငံဆိုင်ရာ
အမေရိကန်သံအမတ်အဖြစ် ၂၀၂၀ ပြည့်နှစ် အထိ တာဝန်ထမ်းဆောင်ခဲ့သူ စကော့မာစီယယ် ကလည်း
စစ်အာဏာရှင်များ၏ တရားဝင်မှုကို ငြင်းပယ်ခြင်းသည် ကောင်းမွန်သောလုပ်ရပ်ဖြစ်ပြီး
ရေတိုတွင် ပြောင်းလဲစေမည်မဟုတ်သော်လည်း စစ်အာဏာရှင်များအတွက်
ဖိအားပိုများစေကြောင်း ပြောသည်။
.
အာဆီယံ ကာကွယ်ရေးဝန်ကြီးများ
တိုးချဲ့အစည်းအဝေးကို ကမ္ဘောဒီးယားနိုင်ငံတွင် နိုဝင်ဘာလ ၂၀ ရက်မှ ၂၄ ရက်အထိ ၅
ရက်ကြာ ကျင်းပနေခြင်းဖြစ်ပြီး အစည်းအဝေးသို့ တရုတ်နှင့် အမေရိကန် ကာကွယ်ရေးဝန်ကြီးများလည်း
တက်ရောက်လျက်ရှိကြောင်း သိရသည်။
.
[ Photo – Internet ]
.
