ရန်ကုန်မြစ်အတွင်း ဆီတင်သင်္ဘောတစ်စီး မီးလောင်

.

ရန်ကုန်မြစ်အတွင်း ရပ်နားထားသည့် ဆီတင်သင်္ဘောတစ်စီး ယနေ့ နိုဝင်ဘာလ ၁၀ ရက်၊ ‌နေ့လယ်ပိုင်းက ပေါက်ကွဲ မီးလောင်မှုဖြစ်ပွားခဲ့ကြောင်း သိရသည်။

.

.

ရန်ကုန်တိုင်းဒေသကြီး၊ ဗိုလ်တစ်ထောင်မြို့နယ်၊ လင်းစဒေါင်းတံတားအနီး၊ ရန်ကုန်မြစ်အတွင်း ရပ်ထားသော သင်္ဘော တစ်စီး ယနေ့ နေ့လယ် ၂ နာရီခွဲခန့်က မီးလောင်မှု ဖြစ်ပွားခဲ့ခြင်းဖြစ်ကြောင်း မီးသတ်ဦးစီးဌာနက ထုတ်ပြန်ထားသည်။

.

မီးလောင်ကျွမ်းမှုကို မီးသတ်တပ်ဖွဲ့မှ မီးသတ်ယာဉ် ၅ စီး၊ မြန်မာ့ဆိပ်ကမ်းအာဏာပိုင်မှ မီးသတ်သင်္ဘောတစ်စီးတို့ဖြင့် ငြှိမ်းသတ်ခဲ့ရာ ညနေ ၃ နာရီခွဲခန့်တွင် မီးထိန်းနိုင်ခဲ့ပြီး ညနေ ၄ နာရီခန့်တွင် မီးအား ငြှိမ်းသတ်နိုင်ခဲ့ကြောင်း မီးသတ် ဦးစီးဌာန၏ ထုတ်ပြန်ချက်တွင် ဖော်ပြထားသည်။

.

အဆိုပါ သင်္ဘော မီးမလောင်မီ အချိန်က ကျယ်လောင်သည့် ပေါက်ကွဲသံ ၂ ကြိမ် ကြားခဲ့ရကြောင်း ရန်ကုန်မြို့ခံများက ပြောဆိုကြသည်။

.

[ Photo – MFSD ]

.