.
ကရင်အမျိုးသားအစည်းအရုံး၊
ကော်သူးလေအုပ်ချုပ်မှုနယ်မြေ၊ ညောင်လေးပင်ခရိုင်၊ တပ်မဟာ (၃) နယ်မြေ၊ ရွှေကျင် မြို့ပေါ်ရှိ
ခြေတော်ရာ၊ ကျွဲတဲနှင့် ကျွဲတဲ (ကွက်သစ်) မှ ဒေသခံများကို ပြောင်းရွှေ့ပေးရန် စစ်ကောင်စီဘက်က
ပြောဆိုမှု များရှိနေကြောင်း KNU က ယနေ့ နိုဝင်ဘာလ ၂၃ ရက်တွင် သတင်းထုတ်ပြန်ထားသည်။
.
ရွှေကျင်-သံဆိပ်-ဘောကထာ
ကားလမ်းဘေးရှိ ရွာများကို ပြောင်းရွှေ့ပေးရန် နိုဝင်ဘာလ ၁၄ ရက်ကတည်းက ပြောဆိုထားခဲ့ပြီး
ကျွဲတဲကွက်သစ်နှင့် ခြေတော်ရာ (ရှမ်းရွာ) များကိုမူ နိုဝင်ဘာလ ၂၁ ရက်တွင် ထပ်မံပြောဆိုလာခြင်း
ဖြစ်ကြောင်း သိရသည်။
.
စစ်ကောင်စီတပ်က စစ်ကြောင်းထိုးလာချိန်တွင်
မလွတ်ကင်းသည့်အတွက် ထိခိုက်မှုများ ရှိလာပါက တာဝန်မယူနိုင် ကြောင်းပြောဆိုပြီး ကြိုတင်ရှောင်ရှားကြရန်
၎င်းတို့နှင့် နီးစပ်သူများကိုသာ သတိပေးပြောဆိုခြင်းဖြစ်ပြီး တရားဝင် ပြောဆိုခြင်းမဟုတ်ကြောင်း
ဒေသခံတစ်ဦးက ပြောသည်။
.
ထို့အပြင် ရွှေကျင်မြို့ပေါ်
ရပ်ကွက်များရှိ လမ်းပေါ်တွင် ညအိရပ်နားသည့် ကားများကို အခြားလွတ်ကင်းရာ နေရာသို့ ပြောင်းရွှေ့ထားရန်နှင့်
ချောဆွဲပါက တာဝန်မယူနိုင်ကြောင်း လိုက်လံပြောဆိုမှုများလည်း ရှိနေသည်ဟု သိရသည်။
.
လက်ရှိတွင် စစ်ကောင်စီတပ်က
KNLA တပ်ရှိရာသို့ စစ်ကြောင်းထိုးရန်
ရွှေကျင်ဘက်မှ တင့်ကားများ အပါအဝင် အမြောက်ကားများ၊ တပ်သားများ စုဖွဲ့ပြင်ဆင်နေပြီး
ယမန်နေ့ နိုဝင်ဘာလ ၂၂ ရက်၊ နေ့လယ်ပိုင်းက ရွှေကျင် ဗျူဟာကုန်းအတွင်းသို့ ရိက္ခာကားဟု
ယူဆရသော စစ်ကောင်စီကား ၈ စီးခန့် ဝင်ရောက်ခဲ့ကြောင်း KNU က ဖော်ပြ
ထားသည်။
.
ယင်းကဲ့သို့ ဒေသခံများအား
ပြောင်းရွှေ့ခိုင်းခြင်း၊ ညဘက်တွင် လက်နက်ကြီးများ၊ ရမ်းသမ်းပစ်ခတ်ခြင်းနှင့် မြို့ပေါ်တွင်
တပ်အင်အား တိုးချဲ့နေခြင်းကြောင့် ရွှေကျင်ဒေသခံပြည်သူများ စိုးရိမ်ထိတ်လန့်လျက်ရှိကြောင်း
သိရသည်။
.
[ Source – KNU ]
.
