.
လင်းခေးခရိုင်၊ လင်းခေး-မိုးနဲလမ်းတွင်
ယနေ့ နိုဝင်ဘာလ ၉ ရက်၊ ညနေပိုင်းက ဆိုင်ကယ် တစ်စီး ချောက်ထဲ ပြုတ်ကျပြီး စီးနင်းလာသူ
အမျိုးသား ထိခိုက်ဒဏ်ရာရရှိခဲ့ကြောင်း သိရသည်။
.
အမျိုးသားတစ်ဦး စီးနင်းလာသော
ဆိုင်ကယ်သည် ယနေ့ နိုဝင်ဘာလ ၉ ရက်၊ ညနေ ၅ နာရီ ၁၅ မိနစ်ခန့်က လင်းခေး-မိုးနဲလမ်းရှိ
မောင်ခိုတံတား အရောက်တွင် အရှိန်မထိန်းနိုင်ဘဲ တံတားဘေးရှိ ပေ ၂၀ ခန့်နက်သော ချောက်အတွင်းသို့
ထိုးကျ တိမ်းမှောက်ခဲ့ခြင်းဖြစ်ကြောင်း သိရသည်။
.
အဆိုပါ အမျိုးသားကို
လင်းခေးခရိုင်မီးသတ်တပ်ဖွဲ့မှ ရှာဖွေကယ်ဆယ် ဆောင်ရွက်ခဲ့ရာ ညနေ ၆ နာရီခန့်တွင် အသက်ရှင်လျက်
ကယ်ဆယ်နိုင်ခဲ့ပြီး လင်းခေးဆေးရုံသို့ ပို့ဆောင်ပေးခဲ့ကြောင်း သိရသည်။
.
