တောင်ကြီးမြို့နယ်၊ အေးသာယာမြို့၌ ယနေ့ နိုဝင်ဘာ ၁၂ ရက်တွင် ကြက်စာများ တင်ဆောင်လာသည့် ၆ ဘီး ယာဉ် တိမ်းမှောက်ပြီး အမျိုးသား ၁ ဦး သေဆုံးခဲ့ကြောင်း သိရသည်။
.
အဆိုပါ ယာဉ်မှာ ကြက်စာများ တင်ဆောင်၍ အေးသာယာ စက်မှုဇုန်မှ ညောင်ရွှေ မွေးမြူရေးဇုန်ဘက်သို့ မောင်းနှင်နေစဉ် လမ်းအကွေ့၌ အရှိန် မထိန်းနိုင်ဘဲ ရေမြောင်းအတွင်း ကျ၊ တိမ်းမှောက်ခဲ့ခြင်း ဖြစ်သည်ဟု ဒေသခံများထံမှ သိရသည်။
.
ယာဉ် တိမ်းမှောက်မှုကြောင့် ယာဉ်ပေါ်လိုက်ပါလာသူ ၃ ဦးအနက် ၁ ဦး သေဆုံးခဲ့ရကာ ၂ဦး ဒဏ်ရာ ရရှိခဲ့ကြောင်းနှင့် ၎င်းတို့ကို တောင်ကြီး စဝ်စံထွန်းဆေးရုံသို့ အေးသာယာပရဟိတ လူမှုကူညီရေးအသင်းက ပို့ဆောင်ပေးခဲ့ကြောင်း သိရသည်။
