မူဆယ်တွင် ကလေးငယ်တစ်ဦး ဆော့ကစားစဉ် ချော်လဲပြီး အကင်တုတ် မျက်လုံးအတွင်းစိုက်ဝင်

.

မူဆယ်မြို့ရှိ တရုတ်ကျောင်းတစ်ခုတွင် ယမန်နေ့ နိုဝင်ဘာလ ၁၀ ရက်၊ နံနက်ပိုင်းက ကလေးငယ်တစ်ဦး အကင်စား၍ ဆော့ကစားနေစဉ် ချော်လဲပြီး မျက်လုံးအတွင်းသို့ အကင်တုတ်ချောင်း စိုက်ဝင်မှု ဖြစ်ပွားခဲ့ကြောင်း သိရသည်။

.

.

ထိခိုက်မိသူမှာ တရုတ်ကျောင်းတွင် စာသင်ကြားနေသည့် အသက် ၈ နှစ်၊ ၉ နှစ်ခန့်အရွယ် ကလေးငယ်တစ်ဦးဖြစ်ပြီး ၎င်းဘာသာ အကင်စားနေစဉ် ချော်လဲရာမှ မျက်လုံးအတွင်းသို့ အကင်တုတ် စိုက်ဝင်သွားခဲ့ခြင်းဖြစ်ကြောင်း ကူညီ ဆောင်ရွက်ပေးခဲ့သည့် နှလုံးလှပရဟိတ လူမှုရေးအသင်းမှ တာဝန်ရှိသူတစ်ဦးက ရွှေဖီမြေသတင်းသို့ ပြောဆိုထား သည်။

.

အဆိုပါ ကလေးငယ်ကို လားရှိုးဆေးရုံကြီးသို့ ပို့ဆောင်ပေးခဲ့ပြီး ထိုမှတစ်ဆင့် မန္တလေးဆေးရုံသို့ ဆက်လက်ပို့ဆောင် ကုသပေးလျက်ရှိကြောင်းနှင့် လက်ရှိတွင် ကလေး၏ မျက်စေ့အခြေအနေကို မသိရှိသေးကြောင်း သိရသည်။

.

[ Source – Shwe Phee Myay News Agency ]

.