ကျောက်ပန်းတောင်းမြို့နယ်တွင် ကျောက်တူးရာမှ အမျိုးသားတစ်ဦး ကျောက်တုံးပိ သေဆုံး

.

မန္တလေးတိုင်း၊ ကျောက်ပန်းတောင်းမြို့နယ်၊ ကန်ပေါက်ကျေးရွာအုပ်စု၊ တောင်နောက်ကျေးရွာတွင် ယမန်နေ့ နိုဝင်ဘာလ ၉ ရက်၊ ညနေပိုင်းက ကျောက်တူးရာမှ အမျိုးသားတစ်ဦး ကျောက်တုံးပိ သေဆုံးမှု ဖြစ်ပွားခဲ့ကြောင်း သိရသည်။

.

.

ကန်ပေါက်ကျေးရွာအုပ်စု၊ တောင်နောက်ကျေးရွာရှိ ကျောက်တွင်းအတွင်း ယမန်နေ့ နိုဝင်ဘာ ၉ ရက်၊ ညနေ ၆ နာရီခန့်က ကျောက်တူးနေစဉ် အမျိုးသားတစ်ဦး ကျောက်တုံးပိမိမှု ဖြစ်ပွားခဲ့ခြင်းဖြစ်ကြောင်း သိရသည်။

.

အဆိုပါ ကျောက်တုံးပိမိမှု ဖြစ်ပွားရာနေရာသို့ ကျောက်ပန်းတောင်းမြို့နယ်မီးသတ်စခန်းမှ ကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ရာ ည ၇ နာရီခွဲခန့်တွင် ကျောက်တုံးပိနေသူ အမျိုးသားအား သေဆုံးလျက် သယ်ထုတ်နိုင် ခဲ့ပြီး သုကတိရှင် နာရေးကူညီမှုအသင်းယာဉ်ဖြင့် ကျောက်ပန်းတောင်းဆေးရုံသို့ ပို့ဆောင်ခဲ့ကြောင်း သိရသည်။

.