မူဆယ်တွင် တပ်ရင်းမှူးနှင့် PSO တို့ ပစ်သတ်ခံရ

.

မူဆယ်မြို့တွင် ခမရ (၄၂၁) ဖယ်ခုံမှ ပြောင်းရွှေ့လာသည့် တပ်မ ၉၉ လက်အောက်ခံ တပ်ရင်းမှူးနှင့် PSO တို့ ယမန်နေ့ အောက်တိုဘာလ ၁၈ ရက်၊ နေ့လယ်ပိုင်းက ပစ်သတ်ခံရပြီး သေဆုံးခဲ့ကြောင်း သိရသည်။

.

.

သတင်းအရ ယမန်နေ့ အောက်တိုဘာလ ၁၈ ရက်တွင် တပ်ရင်းမှူးနှင့် PSO တို့ကို ကြိုတင်စောင့်ဆိုင်းပြီး သေနတ်ဖြင့် ၁၄ ချက်ခန့် ပစ်ခတ်ရှင်းလင်းခဲ့ခြင်းဖြစ်ကြောင်း သိရသည်။

.

အဆိုပါ ပစ်ခတ်မှုကြောင့် ခမရ (၄၂၁) မှ တပ်ရင်းမှူး ပြည့်ဖြိုးအောင် နှင့် တပ်သား တစ်ဦးသေဆုံးခဲ့ကြောင်း သိရသည်။

.

ပစ်ခတ်မှုဖြစ်ပွားပြီးနောက် မူဆယ်မြို့ ဗျူဟာကုန်းပေါ်မှ သံချပ်ကာကားများ အသင့်စောင့်ဆိုင်းပြီး အခင်းဖြစ်ပွားသည့် အနီးတဝိုက်အား လုံခြုံရေးအပြည့်ချထားကာ အနီးနားရှိ ပြည်သူ ၆ ဦးကို ဖမ်းဆီးသွားခဲ့ကြောင်း သိရသည်။

.