တမူး-ကလေးလမ်းပိုင်းတွင် ညပိုင်းသွားလာခြင်း မပြုရန် PDF သတိပေး

.

စစ်ကိုင်းတိုင်း၊ တမူး-ကလေး လမ်းပိုင်းတွင် ဒေသခံများအနေဖြင့် ညပိုင်း သွားလာခြင်းမပြုရန် တမူး PDF က သတိပေး ထုတ်ပြန် ထားသည်ဟု သိရသည်။

.

.

မြန်မာ-အိန္ဒိယနယ်စပ် တမူး-ကလေးဒေသသည် စစ်ကောင်စီ တပ်ဖွဲ့ဝင်များနှင့် ဒေသခံ ပြည်သူ့ကာကွယ်ရေး တပ်များကြား မကြာခဏ တိုက်ပွဲများ ဖြစ်ပွားလေ့ရှိသည့် ဒေသတခုလည်းဖြစ်ပြီး ယခုရက်ပိုင်းအတွင်း စစ်ကောင်စီ တပ် အချိန်းအပြောင်းများ ရှိနေသည့်အတွက် ညနေ ၆ နာရီမှ နံနက် ၆ နာရီအတွင်း အချိန်များတွင် သွားလာခြင်း မပြုရန် တမူး PDF က ထုတ်ပြန်ထားခြင်းဖြစ်သည်။

.

တမူး PDF တပ်ရင်း-၄ ပြောခွင့်ရှိသူက “စစ်ကောင်စီတပ်တွေ အပြောင်းအလဲ ရှိတာ။ အခုချိန်အထိ သူတို့ သွားလို့မရသေးဘူး။ သူတို့ဘက်က ညပိုင်းထွက်ဖို့ အစီအစဉ် ရှိလို့ ပြည်သူတွေနဲ့ မှားပစ်မိမှာစိုးလို့ သတိပေး တားမြစ်ရတာပါ” ဟု ပြောသည်။

.

တမူးဒေသတွင် PDF တပ်ရင်း- ၄ အပါအဝင် ဒေသကာကွယ်ရေးတပ်ဖွဲ့ ၆ ဖွဲ့ခန့် လှုပ်ရှားလျက် ရှိကြောင်း သိရသည်။ .

.