ပေါက်မြို့နယ်၊ ဇီးပြားရဲစခန်းကို PDF တပ်များက ဝင်ရောက်တိုက်ခိုက်ရာ စစ်သားနှင့် ရဲ ၁၇ ဦး သေဆုံးပြီး ပျူ ၅၃ ဦး အရှင်ဖမ်းမိ

.

မကွေးတိုင်း၊ ပေါက်မြို့နယ်၊ ဇီးပြားကျေးရွာရဲစခန်းကို ယမန်နေ့ အောက်တိုဘာလ ၂ ရက်၊ နေ့လယ်ပိုင်းက PDF တပ်များ ဝင်ရောက်တိုက်ခိုက်ရာ စစ်သားနှင့် ရဲ ၁၇ ဦးသေဆုံးပြီး ပျူစောထီး ၅၃ ဦး အရှင်ဖမ်းမိကာ အခြား စစ်သား နှင့် ရဲများ ထွက်ပြေးသွားကြောင်း သိရသည်။

.

.

ပေါက်မြို့နယ်၊ ဇီးပြားရွာတွင် ပျူစောထီး ၉၀ ကျော်ကို စစ်သင်တန်းပေးနေသော စခန်းကို မြိုင်ပကဖအဖွဲ့နှင့် ပေါက်ကျေးရွာ ကာကွယ်ရေးအဖွဲ့များ၊ မြိုင်ကျေးရွာ ကာကွယ်ရေးတပ်ဖွဲ့များ ပူးပေါင်း၍ အောက်တိုဘာလ ၂ ရက်၊ နေ့လယ် ၁ နာရီခွဲခန့်မှ ည ၇ နာရီအချိန်ခန့်အထိ ဝင်ရောက်တိုက်ခိုက်ခဲ့ခြင်းဖြစ်ကြောင်း သိရသည်။

.

အဆိုပါ စီးနင်းတိုက်ခိုက်မှုအတွင်း စစ်သား၊ ရဲ၊ နှင့်ပျူစောထီး ၁၇ ဦးသေဆုံးပြီး  ပျူစောထီး ၅၃ ဦးကို အရှင်ဖမ်းမိခဲ့ကာ စစ်တပ် ဒေါက်တိုင်အဖြစ် မရပ်တည်ရန် ဝန်ခံကတိများ ပြုလုပ်ထားသည်ဟု သိရသည်။

.

ဇီးပြားကျေးရွာ ရဲစခန်း တိုက်ခိုက်မှုတွင် တိုက်ပွဲကြာချိန် ၅ နာရီ ကျော် ကြာမြင့်ပြီး ကျည်မျိုးစုံ ၁၇၀၀၀ ကျော် အသုံးပြု ခဲ့ရကြောင်း မြိုင်မြို့နယ် ပြည်သူ့ကာကွယ်ရေးတပ်ဖွဲ့ထံမှ သိရသည်။

.