.
စစ်ကိုင်းတိုင်း၊
မုံရွာ-မန္တလေးလမ်းမကြီးအား အရေးပေါ်လိုအပ်ချက်အရ ယနေ့ အောက်တိုဘာလ ၂ ရက်၊ နံနက်ပိုင်းမှ
စတင်၍ ယာယီပိတ်ထားကြောင်း ချောင်းဦးမြို့နယ် ပြည်သူ့ကာကွယ်ရေးတပ်ဖွဲ့ (CHU
PDF) က သတိပေးထုတ်ပြန် ကြေညာထားသည်။
.
မုံရွာ-မန္တလေးလမ်းပိုင်းကို
ယနေ့ အောက်တိုဘာလ ၂ ရက် နံနက် ၆ နာရီအချိန်မှစ၍ နောက်ထပ်ကြေညာချက် တစ်စုံတရာ မထုတ်ပြန်မီအထိ
အရေးပေါ်လိုအပ်ချက်အခြေအနေအရ ယာယီပိတ်လိုက်ကြောင်း ထုတ်ပြန်ချက်တွင် ဖော်ပြထားသည်။
.
ယာယီပိတ်ထားချိန်အတွင်း
ယင်းလမ်းပိုင်းကို ပြည်သူများ၏ လုံခြုံရေးအတွက် လုံးဝအသုံးမပြုကြပါရန်နှင့်
လိုက်နာခြင်းမရှိသူတို့၏ လုံခြုံရေးအတွက် အာမမခံကြောင်း ချောင်းဦး PDF က ထပ်မံသတိပေးသည်။
.
ယင်းလမ်းပိုင်းတွင်
သွားလာနေကြသော ကားများအနေဖြင့် အန္တရာယ်ကင်းရှင်းစေရန်အတွက် ရောက်ရှိရာအရပ်တွင် ခေတ္တရပ်နားထားကြရန်နှင့်
အဆိုပါလမ်းပိုင်းကို လက်ရှိအသုံးပြုလျက်ရှိသော ဆွေမျိုးမိတ်ဆွေများကို ထပ်ဆင့် အကြောင်းကြားပေးရန်
ချောင်းဦး PDF က မေတ္တာရပ်ခံထားသည်။
.
