.
ယနေ့ အောက်တိုဘာလ
၂၄ ရက်တွင် ကျရောက်သော သတ္တမအကြိမ်မြောက် “အင်းသားအမျိုးသားနေ့” ဂုဏ်ပြု သန္နိဋ္ဌာန်အဖြစ်
စစ်အာဏာရှင်နှင့် လက်ပါးစေများကို အမြစ်ပြတ် ချေမှုန်းသွားမည်ဖြစ်ကြောင်း အင်းလေးဖက်ဒရယ်
ဒီမိုကရေစီလှုပ်ရှားမှုကွန်ရက် (IFDM) က ထုတ်ပြန်ထားသည်ဟု သိရသည်။
.
အင်းသားအမျိုးသားနေ့ကို
စတင်ကျင်းပနိုင်ခဲ့သည်မှာ ယနေ့ အောက်တိုဘာလ ၂၂ ရက်တွင် သတ္တမအကြိမ် ပြည့်မြောက်ခဲ့ပြီဖြစ်သည့်အတွက်
အင်းသားများ၏ မျိုးချစ်စိတ်ပြည်ထောင်စုချစ်စိတ်ဓါတ်နှင့် ဇာတိသွေး ဇာတိမာန်ကို အထူး
ဂုဏ်ပြုလိုကြောင်း၊ ယနေ့ ကာလသည် အင်းလေးဒေသနှင့် အင်းသားလူမျိုးများ၏
အမှောင်မိုက်ဆုံးကာလဟု ဆိုချင်ကြောင်း IFDM ၏ ထုတ်ပြန်ချက်တွင် ဖော်ပြထားသည်။
.
အင်းသူအင်းသားများ၏
စစ်အာဏာရှင်အမြစ်ဖြတ်ချေမှုန်းရေး စိတ်ဓါတ်ကို ချိုးနှိမ်ရန်၊
လူမျိုးရေးပဋိပက္ခဖန်တီးရန် အတွက် PNO ပြည်သူ့စစ်များက ညောင်ရွှေမြို့နယ် စစ်ရေးအရ လှုပ်ရှားလာမှုများ၊
အင်းပေါခုံနှင့် နမ့်ပန်တို့တွင် ပျူစောထီးတပ်များ လာရောက်အခြေချပြီး ပြည်သူလူထုကို
အကြောက်တရား လွှမ်းမိုးအောင် လုပ်ဆောင်မှုများ၊ စစ်တပ်နှင့် ရဲများက လူထုကို အကြောင်းမဲ့
ဖမ်းဆီးငွေညစ်မှုများကို တွေ့မြင်နေရသည်ဟု IFDM က ဆိုသည်။
.
ယင်းကဲ့သို့ လုပ်ဆောင်မှုများသည်
အင်းလေးဒေသတွင်းရှိ ပြည်သူများ၏ စစ်အာဏာရှင်ဆန့်ကျင်ရေး စိတ်ဓါတ်ကို ပိုမို ခိုင်မာစေကြောင်း
အင်းလေးဖက်ဒရယ်ဒီမိုကရေစီလှုပ်ရှားမှုကွန်ရက် (IFDM) က ထုတ်ပြန်ထားသည်။
.
သတ္တမအကြိမ်မြောက်
အင်းသားအမျိူးသားနေ့ အထိမ်းအမှတ်အဖြစ် ဖယ်ခုံအင်းအရှေ့ဘက်ရှိ ပင်လောင်းမြို့နယ်၊
နန်းတုတ်ကျေးရွာတွင် ယနေ့ အောက်တိုဘာလ ၂၄ ရက်က ရေပေါ်ဆွမ်းလောင်းခြင်း၊ လှေလှော်ပြိုင်ပွဲပြုလုပ်ခြင်း တို့ကို
အကျဉ်းရုံး ပြုလုပ်ခဲ့ကြောင်း သိရသည်။
.
[ Photo – The People’s
Voice ]
.
