.
တောင်ကြီးတက္ကသိုလ်မှ
CDM ကျောင်းသား၊ကျောင်းသူများအနေဖြင့်
မြန်မာ့နွေဦးတက္ကသိုလ် (MNOU)မှ
သင်ကြားမည့် Formal Courses သင်ကြားရေးအစီအစဉ်တွင်
ပါဝင် တက်ရောက်လိုပါက တက်ရောက်နိုင်ကြောင်း တောင်ကြီးတက္ကသိုလ် ကြားကာလတက္ကသိုလ်အုပ်ချုပ်ရေးကောင်စီက
ယနေ့ အောက်တိုဘာလ ၂၇ ရက်တွင် ထုတ်ပြန် ကြေညာထားသည်။
.
အဆိုပါ မြန်မာ့နွေဦးတက္ကသိုလ်မှ
ပညာသင်ကြားရေး ပြီးမြောက်အောင်မြင်သည့် ကျောင်းသားကျောင်းသူများအား ကြားကာလ တက္ကသိုလ်အုပ်ချုပ်ရေးကောင်စီအနေဖြင့်
အသိအမှတ်ပြု မှတ်တမ်းတင်ထားမည်ဖြစ်ပြီး တက္ကသိုလ် ပညာသင်ယူပြီးမြောက်ကြောင်း ထောက်ခံချက်အား
တောင်းယူနိုင်ကြောင်း သိရသည်။
.
မြန်မာ့နွေဦးတက္ကသိုလ်မှ
အကြမ်းဖက်အဖွဲ့အစည်း၏ သင်ကြားရေးအစီအစဉ်များတွင် ပါဝင်ခြင်း မရှိသည့် ကျောင်းသား၊ ကျောင်းသူများအတွက်
Formal Courses (ပုံမှန်သင်တန်းများ)၊
Core Curricuium Courses. ဘာသာရပ်မိတ်ဆက်သင်တန်းများ)နှင့်
Short Courses (ကာလတိုသင်တန်းများ)
စသည့် သင်တန်းများကို ဖွင့်လှစ်သင်ကြားပေးသွားမည်ဖြစ်ကြောင်း သိရသည်။
.
ယခုအခါ Formal
Courses (ပုံမှန်သင်တန်းများ) ၏
ဘာသာရပ်များကို ၂၀၁၉-၂၀၂၀ ပညာသင်နှစ်အတွင်း သက်ဆိုင်ရာ အထူးပြုဘာသာရပ် အသီးသီးတွင်
နောက်ဆုံးနှစ် ဒုတိယပညာသင်ကာလ တက်ရောက်ရန် ကျန်ရှိနေသေးသည့် ကျောင်းသား၊
ကျောင်းသူများ အတွက် သင်တန်းများကို စတင်သင်ကြား ပေးသွားမည်ဖြစ်ပြီး
ဒုတိယပညာသင်ကာလအား တက်ရောက်နိုင်ရန် စာရင်းသွင်း အပ်နှံခြင်းအား စတင်ဆောင်ရွက်လျက်ရှိကြောင်း
သိရသည်။
.
