ကလေးပင်မသပိတ် ၆၂၄ ရက်မြောက်အဖြစ် စစ်အာဏာရှင်ဆန့်ကျင်ရေး ချီတက်ဆန္ဒပြ

.

ကလေးပင်မ သပိတ်စစ်ကြောင်းက ၆၂၄ ရက်မြောက်အဖြစ် ယနေ့ အောက်တိုဘာလ ၂၃ ရက်တွင် စစ်အာဏာရှင်ဆန့်ကျင်ရေး ချီတက်ဆန္ဒပြခဲ့ကြကြောင်း သိရသည်။

.

.

အဆိုပါ ချီတက်ဆန္ဒပြမှုတွင် ကလေးတက္ကသိုလ်ကျောင်းသားများသမဂ္ဂနှင့် ကလေးမြို့ ပင်မသပိတ်အင်အားစုတို့ ပူးပေါင်း၍  စစ်အာဏာရှင်အမြစ်ပြတ်ရေး ပညာရေးသပိတ်တိုက်ပွဲ အင်အားကောင်းလာစေရန် တော်လှန်ရေး သပိတ်တရား ဟောပြောမှုများ၊ ကျောင်းသားလူထု သစ္စာအဓိဋ္ဌာန်ပြုခြင်း အစီအစဉ်များကို ဆောင်ရွက်ခဲ့ကြောင်း သိရသည်။

.

ထိုသို့ ချီတက်ဆန္ဒပြရာတွင် “ထကြွတော်လှန်၊ ကျောင်းသားထုအားမာန်” စာသားကို ကိုင်ဆောင်၍ ချီတက်ဆန္ဒပြခဲ့ ခြင်းဖြစ်ပြီး ကလေးမြို့ ပင်မသပိတ်စစ်ကြောင်းအနေဖြင့် ရက်ပေါင်း ၆၂၄ ရက်တိတိ ပျက်ရက်မရှိ စစ်အာဏာရှင် စနစ်ကို သပိတ်မှောက်နေခြင်းဖြစ်ကြောင်း သိရသည်။

.