.
တောင်ကြီးမြို့နယ်အတွင်းရှိ
အခြေခံပညာစာသင်ကျောင်းများတွင် ခေါင်းစဉ်အမျိုးမျိုးတပ်၍ ကျောင်းသား/ကျောင်းသူ
များထံမှ ငွေကြေးကောက်ခံမှုများ ရှိနေကြောင်း သိရသည်။
.
ယင်းကဲ့သို့
ငွေကြေးကောက်ခံမှုများမှာ ယခင်ကတည်းက ရှိခဲ့သော်လည်း စစ်ကောင်စီလက်ထက် ကျောင်းများ
ပြန်ဖွင့် ချိန်တွင် ပိုမိုဆိုးရွားလာနေသည်ဟု ကျောင်းသားမိဘများက ပြောဆိုကြသည်။
.
“လစဉ်
ရေသန့်ကြေးကောက်တယ်၊ ယုတ်စွအဆုံး အိမ်သာကြေး ကောက်တဲ့ကျောင်းတောင် ရှိတယ်လို့
ကြားရတယ်။ ဒါ့အပြင် ဆုပေးပွဲကြေး၊ အာစရိယပူဇော်ပွဲကြေး၊ ဆရာမတွေ ပြောင်းရင်
နှုတ်ဆက်ပွဲကြေး စုံလို့ပါပဲ။ ကျောင်းသားမိဘ တွေကို တစ်ခုခု အစည်းအဝေးခေါ်လိုက်ပြီ
ဆိုရင် ပိုက်ဆံကောက်ဖို့ပဲ ခေါ်တယ်ဆိုတာ ကြိုသိနေပါပြီ” ဟု တောင်ကြီး မြို့နေ
ကျောင်းသားမိဘတစ်ဦးက ပြောသည်။
.
ယင်းကဲ့သို့
ငွေကြေးကောက်ခံမှုများမှာ ငွေကြေးတတ်နိုင်သူ မိဘများအတွက် မခက်ခဲသော်လည်း
အများစုဖြစ်သော အခြေခံလူတန်းစားနှင့် လူလတ်တန်းစား မိဘများအတွက် အခက်အခဲ
ဖြစ်ပေါ်ရပြီး ကောက်ခံသည့်ငွေကြေး မပေးနိုင် ပါကလည်း မိမိကလေး မျက်နှာငယ်မည်ကို
စိုးရိမ်သည့်အတွက် မဖြစ်မနေ ပေးနေရကြောင်း မိဘများက ပြောဆိုကြ သည်။
.
“အခုချိန်မှာ
အားလုံးက ခက်ခဲနေကြတာလေ။ တစ်ခါတစ်လေကျရင် စေတနာရှိသလောက်ထည့်ပါ ဆိုတာမျိုးက
လာသေးတယ်။ အဲဒါက ပိုဆိုးတယ်။ အနည်းဆုံး ၅၀၀၀/၁၀၀၀၀ မှ မထည့်ရင် ကိုယ့်သားသမီးလည်း
မျက်နှာမလှ ဘူးလေ။ ဒီတော့ မဖြစ်မနေ ရှာပေးရတာပေါ့” ဟု အခြား
ကျောင်းသားမိဘတစ်ဦးကလည်း ပြောသည်။
.
ထိုကဲ့သို့
ငွေကြေးကောက်ခံမှုများအပြင် ဆရာမများက ကျောင်းသား/ကျောင်းသူများကို အတင်းအကြပ်
ကျူရှင်ခေါ်ယူ သင်ကြားမှုများလည်း ရှိနေပြီး ကျူရှင်မတက်သည့် ကလေးများကို
ကျောင်းတွင် ခွဲခြားဆက်ဆံမှုများ ရှိနေကြောင်း သိရသည်။
.
