မိုးဗြဲတွင် စစ်ကောင်စီတပ်၏ ပစ်ခတ်မှုကြောင့် ပြည်သူတစ်ဦး ဦးခေါင်းထိမှန် ဒဏ်ရာရ

.

မိုးဗြဲမြို့တွင် ယမန်နေ့ အောက်တိုဘာလ ၁၄ ရက်၊ နေ့လယ်ပိုင်းက စစ်ကောင်စီတပ်၏ အကြောင်းမဲ့ ပစ်ခတ်မှုကြောင့် ပြည်သူတစ်ဦး ဦးခေါင်းထိမှန်ဒဏ်ရာရရှိခဲ့ကြောင်း သိရသည်။

.

.

မိုးဗြဲမြို့၊ စက်တော်ရာတောင်ထိပ်တွင် တပ်စွဲထားသော စစ်ကောင်စီတပ်သည် ယမန်နေ့ နေ့လယ် ၁၂ နာရီခွဲအချိန်က ဆိုင်ကယ်မောင်းနှင်လာသည့် အမျိုးသား ၂ ဦးကို ပစ်ခတ်ခဲ့ရာ တစ်ဦးမှာ ဦးခေါင်းထိမှတ်ပြီး စိုးရိမ်ရဒဏ်ရာ ရရှိကာ ကျန်တစ်ဦးမှာ ထွက်ပြေးလွတ်မြောက်ခဲ့ခြင်းဖြစ်ကြောင်း သိရသည်။

.

ထိမှန်ဒဏ်ရာ ရရှိသူကို ပူးပေါင်းတပ်ဖွဲ့က သွားရောက်ကယ်ထုတ်ခဲ့ရာ စစ်ကောင်စီတပ်နှင့် ထိတွေ့ပစ်ခတ်မှု အနည်းငယ် ရှိခဲ့ကြောင်း မိုးဗြဲ PDF က သတင်းထုတ်ပြန်ထားသည်။

.

စစ်ကောင်စီတပ်သည် တိုက်ပွဲဖြစ်ပွားခြင်း မရှိဘဲ လမ်းသွားလမ်းလာ ပြည်သူများကို အကြောင်းမဲ့ ပစ်ခတ်နေခြင်းဖြစ်ပြီး လက်ရှိတွင် တိုက်ပွဲဖြစ်ပွားခြင်း မရှိသေးသော်လည်း စစ်ရေးအခြေအနေ တင်းမာနေသည့် အတွက် ပြည်သူများ အနေဖြင့် တိုက်ပွဲဖြစ်ပွားရာ အနီးတစ်ဝိုက်တွင် သွားလာခြင်းမပြုကြရန် မိုးဗြဲ PDF က အသိပေးထားသည်။

.