.
ကရင်နီ (ကယား) ပြည်နယ်၊ လွိုင်ကော်မြို့နယ်၊ ဝါရီကောခူကျေးရွာတွင် ယနေ့ အောက်တိုဘာလ ၂၆ ရက်၊ နံနက်ပိုင်းက စစ်ကောင်စီ တပ်၏ လက်နက်ကြီးကျည် ကျရောက်မှုကြောင့် ပြည်သူ ၃ ဦး ပြင်းထန်ဒဏ်ရာများ ရရှိခဲ့ကြောင်း သိရသည်။
.
တိုက်ပွဲတစ်စုံတစ်ရာဖြစ်ပွားခြင်းမရှိဘဲ
ယနေ့ အောက်တိုဘာလ ၂၆ ရက်၊ နံနက်ပိုင်းက စစ်ကောင်စီ၏ (၄၂၂) တပ်မှ လက်နက်ကြီးများဖြင့်
ရမ်းသမ်းပစ်ခတ်ခဲ့ခြင်းဖြစ်ပြီး ထိမှန်ဒဏ်ရာရရှိသူ ၃ ဦးအနက် တစ်ဦးမှာ စိုးရိမ်ရ အခြေအနေ
ရှိကြောင်း သိရသည်။
.
အဆိုပါ ထိခိုက်ဒဏ်ရာရရှိသူများကို
ပရဟိတလူမှုကယ်ဆယ်ရေးအသင်းမှ ဆေးရုံသို့ ပို့ဆောင်ပေးခဲ့ကြောင်း သိရသည်။
.
စစ်ကောင်စီတပ်များမှ
ယင်းကဲ့သို့ လက်နက်ကြီးများဖြင့် ရမ်းသမ်းပစ်ခတ်နေမှုများကြောင့် ပြည်သူများအနေဖြင့်
လုံခြုံရေးကို အထူးဂရုပြုကြရန် မိုးဗြဲပြည်သူ့ကာကွယ်ရေးတပ်၊ (၁၀၀၁) တပ်ရင်း ဗဟိုသတင်းနှင့်
ပြန်ကြားရေး ဌာနက အသိပေးထားသည်။
.
