ရန်ကုန်-မော်လမြိုင်ကားလမ်းတွင် စစ်ကောင်စီယာဉ်တန်း တိုက်ခိုက်ခံရပြီး ၉ ဦးထက်မနည်း သေဆုံး

.

မော်လမြိုင်မြို့တွင် စစ်အာဏာသိမ်းခေါင်းဆောင် မင်းအောင်လှိုင်အတွက် လုံခြုံရေးယူပေးခဲ့သည့် ယာဉ်တန်း ရန်ကုန်-မော်လမြိုင်ကားလမ်း၊ ဘီးလင်းမြို့နယ်၊ ဒေါက်ရပ်ကျေးရွာအနီးတွင် တိုက်ခိုက်ခံရပြီး ၉ ဦး ထက်မနည်း သေဆုံးခဲ့ ကြောင်း သိရဿည်။

.

.

စစ်ကား၊ ရဲကား ၇ စီးပါ ယာဉ်တန်းကို အောက်တိုဘာလ ၁၇ ရက်၊ ညပိုင်းက မော်လမြိုင်မှ ရန်ကုန်သို့ပြန်စဉ် KNLA၊ PDF ပူးပေါင်းတပ်ဖွဲ့များက ၂ ကြိမ် မိုင်းဆွဲတိုက်ခိုက်ခဲ့ခြင်းဖြစ်ကြောင်း သိရသည်။

.

အဆိုပါ ကား ၇ စီးပါ ယာဉ်တန်းအနက် စတုတ္ထမြောက်ကားမှ စတင်၍ တိုက်ခိုက်ခဲ့ခြင်းဖြစ်ပြီး RPG များ၊ လက်နက် ငယ်များဖြင့် ထပ်မံပစ်ခတ်ခဲ့သည့်အတွက် ထိခိုက်သေဆုံးမှု များပြားနိုင်ကြောင်း KNU တပ်မဟာ (၁) မှ တာဝန်ရှိသူတဦးက ပြောဆိုထားသည်။

.

မိုင်းဆွဲတိုက်ခိုက်ခံရမှုကြောင့် စစ်ကောင်စီဘက်မှ ဗိုလ်မှူး ၁ ဦး၊ ဗိုလ်ကြီး ၁ ဦး၊ ဘီးလင်းမြို့နယ်မှ ဒုရဲမှူးနှင့် ရဲတပ်သား တစ်ဦး အပါအဝင် ၉ ဦးထက်မနည်း သေဆုံးပြီး ၂၀ ကျော် ဒဏ်ရာရရှိခဲ့ကြောင်း သိရသည်။

.

စစ်အာဏာသိမ်းခေါင်းဆောင် မင်းအောင်လှိုင်သည် အောက်တိုဘာလ ၁၇ ရက်က မော်လမြိုင်နှင့် ဘားအံမြို့ များသို့ သွားရောက်ခဲ့ခြင်းဖြစ်သည်။

.