.
မကွေးတိုင်း၊ ရေစကြိုမြို့နယ်အတွင်းရှိ
ကျေးရွာ ၄ ရွာကို စစ်ကောင်စီတပ်က ယမန်နေ့ အောက်တိုဘာလ ၂၉ ရက်က မီးရှို့ဖျက်ဆီးခဲ့ရာ
တစ်ရက်အတွင်း အိမ်ခြေ ၂၃၀ ကျော် မီးလောင်ပျက်စီးခဲ့ကြောင်း သိရသည်။
.
စစ်ကောင်စီတပ်၏ မီးရှို့ဖျက်ဆီးမှုကြောင့်
ရေစကြိုမြို့နယ်၊ မြေမလှကျေးရွာမှ အိမ်ခြေ ၅၃ လုံး၊ စိုင်သေရွာမှ အိမ်ခြေ ၄၂ လုံး၊
သံပြာချောင်းရွာမှ အိမ်ခြေ ၇၅ လုံး၊ ခံစပ်တောရွာမှ အိမ်ခြေ ၆၃ လုံး၊ စုစုပေါင်း နေအိမ်
၂၃၃ လုံး မီးလောင် ပျက်စီးခဲ့သည်ဟု သိရသည်။
.
အဆိုပါ ကျေးရွာများကို
မီးလာရှို့သည် စစ်ကြောင်းတွင် အင်အား ၈၀ ကျော်ပါဝင်ပြီး ရေစကြိုမြို့နယ် အခြေစိုက်
ခလရ (၂၅၆)၊ ခလရ (၂၅၇)နှင့် ခလရ (၂၅၈)တပ်ရင်းများမှ ဖြစ်ကြောင်း သိရသည်။
.
မီးဘေးသင့်
ပြည်သူများအား ဝိုင်းဝန်းကူညီပေးကြပါရန် ရေစကြိုမြို့နယ်ပြည်သူ့ကာကွယ်ရေးတပ်(ပကဖ) က
ပြည်သူလူထုများအား မေတ္တာရပ်ခံထားသည်။
.
